काठमाडौं । टेक नेपाल कोरोना महामारीको समयदेखि समाजसेवामा क्रियाशील रहदै आएका छन् । उनीलगायत समूह लकडाउनको कोरोना नियन्त्रण का लागि सरकारले लगाएको कारण रोजगार गुमाएर खान समस्यामा परेकाहरुलाई निःशुल्क खानाको व्यवस्था गरेर समाजसेवामा क्रियाशील भएका हुन् ।
उनी पाख्रीवास नगरपालिका १ साविक सान्ने निवासी चन्द्र बहादुर नेपालका छोरा हुन् । पेसाले उनी सेफ हुन् । उनी १७ वर्ष जति विदेशमा स्तरीय होटलहरुमा सेफका रुपमा सेवा गरिसकेका छन् । उनले स्तरीय खाना बनाएकोमा विभिन्न पुरस्कारसमेत पाईसकेका छन् ।
उनले यहि पेसाकर्मीहरुसँग मिलेर विश्व ह्युमन सेफ फुड हेल्प फाउण्डेशन स्थापना गरेका छन् । सो संस्थाले विशेषगरी लकडाउनको समयमा खान नपाएकाहरुलाई पेट भरी खुवाउने व्यवस्था गरे । उनको सो कार्यको विभिन्न पत्रपत्रिका, युट्युव जस्ता सामाजिक सञ्जाल मा पनि उल्लेख गरिएको छ ।
नेपालले स्थापना गरेका संस्था ले भोकभोकै, सडक जीवन बिताईरहेकालाई खाना खुवाउने निर्णयका साथ १५ हजार जतिलाई हालसम्म खाना खुवाईसकेका छन् । उनी हरुले लकडाउन अवधिभरविहान बेलुकी सानेपा, टेकु स्थित पुलमुनि बस्ने, बसन्तपुर, रत्नपार्क, पशुपति गुजेश्वरी दृष्टिविहीन र बृद्धाश्रममा खाना खुवाएका थिए ।
नेपालले स्थापना गरेको सो संस्थाले आफु बाचौं अरुलाई बचाउँ भन्दै घरवारबिहीन हरुलाई खाना खुवाउने उद्देश्यले ललितपुर स्थित सानेपा नजिक एउटा सटर भाडामा लिएर खाना खुवाउँदै जाने उनले जानकारी दिए । सो कार्यक्रमलाई हिरो हंगर्स नाम दिईएका छन् । उनले कार्यक्रमको पहिलो प्राथमिकता जो खान पाएका छैनन्, उनीहरुको भोकको ज्वाला मेट्ने रहेको जानकारी दिए । उनले यस कार्यलाई निरन्तर रुपमा कायम राख्ने जनाएको छ ।
यो कार्यका लागि द भ्वाईस सेफ, इन्टरनेशनल नेपलिज सेफ्स सोसाईटी, सेफ एशोसियशन अफ नेपाल, ग्लोबल नेपलिज सेफ फेडे रेशन, ग्यास्ट्रोनोमी एशोसियशन अफ नेपाल नामक संस्थाहरुले सहयोग गरेका छन् । यस्तै सहयोग गर्ने अन्य संस्था तथा व्यक्तिहरुमा नेपाली फुड गुरु टिभी शो सेफ सुरेशचन्द्र बस्नेत, बोधिसत्ता विहार, इलेक्ट्रिक प्यागोडा बार, क्युरियो प्रालि, कफि पसल रेस्टुरेन्ट एण्ड वार, नौलो रेस्टुरेन्ट, स्कील्स फ्याक्टरी, सिलौटो कटेजलगायत ले सहयोग गरिरहेको नेपालले जानकारी दिए ।