धनकुटान्युज, १ चैत्र ।
महालक्ष्मी नगरपालिका स्थापना भएको चौथो बार्षिकोत्सव बिभिन्न कार्यक्रम गरेर मनाएको छ । नगर दिवसको अवसरमा अन्तरमावि हाजिरीजवाफ प्रतियोगिता, जग्गादाताहरुलाई सम्मान र विद्यालयहरुलाई खेलकुद सामग्री वितरण गरिएको थियो ।
हाजिरी जवाफ प्रतियोगितामा जनता मावि जितपुर प्रथम, नवीन शिक्षा सदन डाँडागाउँ दोस्रो र सरस्वती मावि कटहरे तेस्रो भएका छन् । प्रथम, दोस्रो र तेस्रो हुँने विद्यालयलाई क्रमशः २० हजार, १५ हजार र १० हजार नगद पुरस्कारबाट पुरस्कृत गरिएका छन् । संघीय सांसद राजेन्द्र राई, जिल्ला समन्वय समितिका प्रमुख टंक चुवान, महालक्ष्मी नगरपालिकाका प्रमुख पर्शुराम नेपाल, उपप्रमुख मञ्जु कार्की, प्रमुख प्रशासकीय अधिकृत बसन्त गिरीलगायतले विजेता विद्यार्थीहरुलाई पुरस्कृत गरेका थिए ।
सोहि अवसरमा ३२ जना जग्गादाताहरुलाई सम्मान गरिएको छ । महालक्ष्मी नगरपालिका तथा नगरपालिका अन्र्तगतका अस्पताल, वडा कार्यालय र स्वास्थ्य सस्थाहरुलाई निःशुल्क जग्गा प्रदान गर्ने दाताहरुलाई सम्मान गरिएको नगर प्रमुखका सचिवालय प्रमुख बिष्णु दाहालले जानकारी दिए । त्यस्तै, नगर क्षेत्रभित्रका १७ वटा माध्यमिक विद्यालयलाई एक÷एक वटा भलिवल र नेट प्रदान गरिएको नगरपालिकाले जनाएको छ ।