धनकुटा, जेठ १२ ।
“मानवताको सेवा जीवनको सर्वोत्तम कार्य हो“ मूलर्ममलाई आत्मसाथ गर्दै धनकुटा लेडी जेसीद्वारा औद्योगिक ग्रामस्थित कोभिड अस्पतालमा उपचारार्थ कोभिड संक्रमितहरुलाई खाजा वितरण गरेको छ । संस्थाका अध्यक्ष विसिका श्रेष्ठले सो खाजा हस्तान्तरण गरेका थिए ।
धनकुटामा पनि हाल कोभिड–१९ को संक्रमण तीव्र रुपमा फैलिदै गएको छ । हाल सो कोभिड अस्पतालमा १० जना कोभिड संक्रमित विरामीहरुको उपचार भैरहेको जिल्ला अस्पतालका निमित्त प्रमुख डा. पुजन विश्वकर्माले जानकारी दिए ।
कोभिड –१९ बाट संक्रमित विरामीहरुलाई केहि राहत होस् भनेर सानो सहयोग वरुप खाजा वितरण गरिएको जेसीका अध्यक्ष श्रेष्ठले जानकारी दिए । सो अवसरमा अध्यक्ष श्रेष्ठले अहिले दोस्रो भेरियन्टका संक्रमण फैलिएको र विगतको भन्दा संक्रमणदर बढेर भयावह अवस्थामा पुगेकोले सुरक्षित रहन आग्रह गर्दै अति आवश्यक काममा मास्क लगाएर मात्र बाहिर जान आग्रह गरेका छन् । उनले लेडि जेसी मानवताको सेवाका लागि सधै क्रियाशील रहने प्रतिवद्धता जनाए ।
