धनकुटान्यून ।
असोज २१, धनकुटा । केही हप्तादेखि प्रहरीले नक्कली नोटको कारोबारी पक्राउ अभियान तीव्र बनाएको थियो । यहि क्रममा प्रहरीले ६ जना कारोवारीलाई पक्राउ गरेका थिए । आज पत्रकार सम्मेलन गरी ती पक्राउ गरिएको नक्कली नोटका कारोवारी प्रहरीले सार्वजनिक गरेको छ ।
प्रहरीले सार्वजनिक गरेका नक्कली नोटका कारोवारीहरुमा ताप्लेजुङको याङबरक गाउँपालिका ४ का वर्ष २६ कै छितेन तामाङ, धनकुटा नगरपालिका १ हिलेका वर्ष २६ का विशाल तामाङ, हिलेकै वर्ष २४ का सोनम तामाङ, महालक्ष्मी नगरपालिका वडा नं. ८ का वर्ष २६ का सुमन खड्का, महालक्ष्मी ९ का वर्ष २४ का तुलसी तामाङ र वर्ष २१ बिकास तामाङ रहेका छन ।
गत ११ गते मुलघाट प्रहरीले २८ हजार नक्कली नोटसहित प्रहरीले बिशाल तामाङ र छितेन तामाङलाई पक्राउ गरेका थिए । उनीहरुसँग अन्य कारोवारीका सम्बन्धमा अनुसन्धान अघि बढाएको थियो । प्रहरीले अनुसन्धानको क्रममा बिशाल तामाङको घरबाट ५ वटा हजारका नक्कली नोट र उनले मुलघाटमा फालेको २ वटा हजारको नक्कली नोट बरामत गरेका थिए । यस्तै प्रहरीले सोनाम तामाङको घरबाट ६५ वटा हजारका नक्कली नोट बरामत गरेको प्रहरी प्रवत्ता डिएपी दिपककुमार रायले जानकारी दिए । बरामत गरिएका सबै नक्कली नोट एउटै नम्बरका रहेको पत्रकार सम्मेलनमा जानकारी गराएका छन् ।
प्रहरीले २ जनालाई मुलघाटबाट पक्राउ गरेपछि अन्य कारोवारीहरुको खोजतलासलाई तीव्रता दिएका थिए । यसैक्रममा प्रहरीले सोनाम र सुमनलाई हिलेबजारबाट पक्राय गरेका थिए । यस्तै तुलसीलाई छथरजोरपाटीको सिधुवाबाट र विकासलाई सुनसरीको इटहरीबाट पक्राउ गरेको सो अवसरमा जानकारी दिए ।
पक्राउ परेकाहरुले लागूऔषधको लागि नक्कली नोट प्रयोग गरेको हुनसक्ने आशंका गरेको प्रहरीले जनाएको छ । पक्राउ परेकाहरुलाई नक्कली नोटको प्रयोग गराउन लगाउने एक युवालाई पनि प्रहरीले काठमाण्डौबाट पक्राउ गरेको जनाएको छ । यस्तो कारोवारी पक्राउ परेकाबाट मात्र नभई अन्य व्यक्तिसमेतको सञ्जाल हुनसक्ने र ती व्यक्तिको नाम सार्वजनिक गर्दा थप अनुसन्धान प्रभावित हुने भन्दै प्रहरी ती युवालाई भने सार्वजनिक गरेको छैन ।
सार्वजनिक भएका ६ जनालाई काठमाण्डौबाट पक्राउ परेका युवाले २ लाख नक्कली नोट दिएको अनुसन्धानबाट खुलेको डिएपी रायले सो अवसरमा जानकारी दिए । त्यो २ लाख मध्ये बरामत गरिएकोबाहेकका नक्कली नोट ४ जनाले जोगिनको लागि नष्ट गरेको खुलेको जानकारी दिए ।
पक्राउ परेका नक्कली नोटका कारोवारीहरुलाई कानूनअनुसार सजायका लागि प्रक्रिया शुरु भएको जानकारी दिए ।