धनकुटा । नेपाल निर्माण व्यवसायी संघ धनकुटाको हालै सम्पन्न १० औं जिल्ला अधिवेशनबाट अध्यक्षमा पुनः अर्जुन के.सी. सर्वसम्मत् चयन भएका छन् । शुक्रवार राती १२ तिर सम्पन्न जिल्ला अधिवेशनले आगामी तीन वर्षको लागि केसीलाई पुनः अध्यक्षमा चयन गरेको हो ।
यस्तै समितिको वरिष्ठ उपाध्यक्षमा प्रकाश थुलुङ, उपाध्यक्षमा यज्ञबहादुर राई, महासचिवमा मनोज राई, सचिवमा चन्द्रसिंह नेम्वाङ, कोषाध्यक्षमा ओमबहादुर बस्नेत, सह–कोषाध्यक्षमा सुवास राईलाई चयन गरेको निर्वाचन समितिका अधिकृत खगेन्द्रप्रसाद घिमिरेले जानकारी दिए ।
त्यस्तै संघको सदस्यहरुमा कमलबहादुर राई, गोविन्द थापा, दिनेश राई, दिलकुमार राई, प्रज्ज्वल श्रेष्ठ, भूपालसिंह लिम्बू, शरण तामाङ चयन भएको निर्वाचन अधिकृत घिमिरेले जानकारी दिए ।
अध्यक्षमा वर्तमान अध्यक्ष अर्जुन केसी र विजय थापाको दावी रहेका थिए । अन्तिम समयमा सहमति भए पछि थापाले केसीलाई छाडिदिएका थिए । संघमा ८१ जना निर्माण व्यवसायी आवद्ध रहेका छन् ।
