सहिदले देखाएको बाटोबाट हिड्ने प्रतिवद्धता

धनकुटा १६ माघ । सहिद दिवस धनकुटामा पनि मनाईएको छ । सो अवसरमा बसपार्कस्थित सहिदस्तम्भमा आयोजित श्रद्धाञ्जली कार्यक्रममा निमित्त प्रमुख जिल्ला अधिकारी रामनारायण श्रेष्ठले अहिले हामीले उपभोग गरिरहेको अधिकार सबै सहिदहरुको बलिदानको कारण भएको बताए । उनले सातसालको प्रजातान्त्रिक आन्दोलन, ४६ र ६२÷६३ को जनआन्दोलन, १० वर्षे जनयुद्ध, मधेशलगायतका विभिन्न आन्दोलनको क्रममा शहादत प्राप्त गर्नु भएको सहिदहरुको सपना पुरा गर्न हामी सबै इमान्दारिताका साथ लाग्नु पर्ने बताए ।
सो अवसरमा सहिद रामकृष्ण श्रेष्ठ स्मृति प्रतिष्ठानका अध्यक्ष इश्वर अकेलाले वर्षको एक दिन मात्र सहिदलाई सम्झेर सहिदहरुको सपना पुरा नहुने बताए । हुसाडेक नेपालको संयोजनमा सम्पन्न कार्यक्रमको सञ्चालन संस्थाकी अध्यक्ष गीता अधिकारीले गरेका थिए ।
कार्यक्रममा धनकुटा सहिद स्मृति प्रतिष्ठानका अध्यक्ष राजेश्वरबहादुर श्रेष्ठ, सहिद सरोकार समाजका अध्यक्ष तीलक राई, बेस्ट नेपालका अध्यक्ष संगीता चापागाई, हुसाडेकका निर्वतमान अध्यक्ष खेमप्रसाद घिमिरे, नागरिक समाजका अध्यक्ष सुन्दरबाबु श्रेष्ठ, बन उपभोक्ता महासंघका अध्यक्ष निलम थापालगायत सहभागीहरुले सहिदहरुप्रति फुलमाला चढाएर श्रद्धाञ्जली अर्पण गरेका थिए ।
यस्तै नेपाली कांग्रेस धनकुटा नगर कार्य समितिको आयोजनामा सहिद भीमनारायण चौकमा श्रद्धाञ्जली कार्यक्रमको आयोजना गरी दिवस मनाएको छ । समितिका सभापति नरेश श्रेष्ठको अध्यक्षतामा सम्पन्न कार्यक्रममा कांग्रेस जिल्ला सचिव विजयसन्तोषी राईले सहिद दिवसको महत्वको वारेमा प्रकाश पार्दै नेपाली जनतालाई रैतीबाट सार्वभौम जनता बनाउन सहिदहरुको आफ्नो ज्यानको बलिदान दिएको बताउँदै सहिदहरुको बलिदानको जति प्रशंसा गरेपनि कम हुने बताए । उनले लोकतन्त्रका लागि शहादत प्राप्त धनकुटाका सहिदहरुलाई राष्ट्रिय सहिद घोषणा गर्न नेपाली कांग्रेसले निर्वाह गरेको भूमिकाका वारेमा जानकार िदिए । उनले धनकुटाका सहिदहरुका वारेमा जानकारी गराएका थिए ।
कार्यक्रममा कांग्रेस प्रदेश कार्यसमितिका सदस्य नवीनकिशोर शाक्य, जिल्ला सचिव जयन्द्र घिसिङ्ग, सहसचिव रोशन श्रेष्ठ, जिल्ला सदस्य रेणु श्रेष्ठ, प्रदेश सभा ख क्षेत्रीय कार्य समिति सभापति राजन पौडेल, सदस्य विजय अधिकारी, सहिद भीमनारायण स्मृति प्रतिष्ठानका अध्यक्ष पुरेन्द्रलाल श्रेष्ठ, महाधिवेशन प्रतिनिधि सुमना तिम्सिना, शिक्षक संघ प्रदेश समितिका उपाध्यक्ष गंगाराम ढुंगाना, पूर्व डिआईजी तथा समाजसेवी दिनेश आमात्य, नागरिक समाजका अध्यक्ष दोर्ण गुरागाई, महिला संघका पूर्व केन्द्रिय सदस्य टिका भण्डारी, प्रदेश सभा क का उपसभापती मिलन खड्गी, वडा नं. ६ का वडा सभापतिण् रुपेश श्रेष्ठ, वडा नं. ५ का सभापति धनकुमार राईलगायतले सहिद भीमनारायण श्रेष्ठको शालिकमा माल्यापर्ण गरी सम्पूर्ण ज्ञातअज्ञात सहिदहरुप्रति श्रद्धाञ्जली अर्पण गरेका थिए ।
सहभागीहरुले सहिदहरुले देखाएको बाटोबाट हिडेमात्र मुलुकले निकास पाउने बताए ।

Dhankuta News