धनकुटा । नेकपा एमालेका वडा कमिटी सदस्य सहित संयौ नेताकार्यकर्ता नेपाली कांग्रेसमा प्रवेश गरेका छन् ।
‘घरघरमा जाऔं, काग्रेस जिताऔं’ अभियान अन्र्तगत सहिदभूमि गाउँपालिका वडा नं. १ टेम्के डाँडामा शनिवार आयोजित कार्यक्रममा नेकपा एमाले वडा नं. १ वडा कमिटी सदस्य सत्यराम एवाई सहित ७५ जना नेता कार्यकर्ता एमाले पाटी परित्याग गरि नेपाली कांग्रेसमा प्रवेश गरेका छन् ।
१ नं. वडा अन्र्तगतको हागुवा, मुर्चानी, घङघरु टोलवाट वडा कमिटि सदस्य सत्यराम एवाई राई, एमाले नेता देउकुमार राई, विप्लव माओवादीका नेता वलबहादुर राई, खम्वुवान राष्ट्रिय मोर्चाका नेता अन्जुल राई लगायत ३१ जना प्रवेश गरेका थिए । त्यस्तै सोही वडाको पोखरे, मझिया टोलबाट एमाले नेता किशोर राई, लोकबहादुर राई सहित ७ जना, पित्रे कर्कले र गोपालपुर टोलबाट अनिल कटुवाल, दिपक राई, चिरन राई, सनम राई लगायत ११ जना, धाप टोलबाट दशरथ राई, डिकबहादुर राई, कर्ण राई लगायत ११ जना, दक्षिण धाप, बाहुनीखोला टोलबाट हिरा कार्की, काजी खड्का लगायत ९ जना एमाले, माओवादी पाटी परित्याग गरि कांग्रेसमा प्रवेश गरेका हुन् । त्यस्तै सहिदभूमि गाउँपालिका वडा नंं २ का मिलन रोका र विक्रम विसूखे पनि एमाले परित्याग गरि कांग्रेसमा प्रवेश गरेका छन् ।
कांग्रेसमा प्रवेश गर्ने नेता कार्यकर्ताहरुलाई कार्यक्रमका प्रमुख अतिथि नेपाली कांग्रेसका केन्द्रिय सदस्य तथा धनकुटा प्रतिनिधि रामहरि खतिवडा, विशेष अतिथि नेपाली कांग्रेसका केन्द्रिय सदस्य सुनिलबहादुर थापा, नेपाली कांग्रेस धनकुटाका सभापति दिनेश राई, महासमिति सदस्य हरिकुमार राई, सहिदभूमि गाउँपालिका ईञ्चार्ज तथा जिल्ला पाटी प्रवक्ता खगेन्द्रप्रसाद घिमिरे, आमन्त्रित जिल्ला सदस्य तिर्थ राई र रमेश राई लगायतले टिका र खादा लगाएर स्वागत गरेका थिए ।
कार्यक्रममा वोल्दै प्रमुख अतिथि नेपाली कांग्रेसका केन्द्रिय सदस्य तथा धनकुटा प्रतिनिधि रामहरि खतिवडाले एमसिसि अनुदानवाट गाउँमा विद्युत विस्तार, सडक लगायत पूर्वाधार निर्माण हुने बताए । उनले नेकपा एमाले लगायत कम्यूनिष्ट पार्टीले सत्ता हुँदा एमसिसिको समर्थन र सत्ता वाहिर प्रतिपक्षमा हुँदा विरोध गरेर जनतामा भ्रम सिर्जना गरेको आरोप समेत लगाए । उनले एमालेलाई झुटको खेति नगर्न समेत अनुरोध गरे ।
त्यस्तै नेपाली कांग्रेसका केन्द्रिय सदस्य सुनिलवहादुर थापाले विकासको एजेण्डा पहिलो रहेको कारण ग्रामीण क्षेत्रमा यातायात, खानेपानी, विद्युत विस्तार लगायतको पूर्वाधार वन्नु पर्नेमा जोड दिए । त्यस्तै उनले एमालेका नेता कार्यकर्ताहरु घरदैलोमा आउँदा जनताले एमालेका संद्यीय सांसदको तीन वर्षको ३५ करोड र प्रदेशका सांसदहरुले वर्षेनी ३÷३ करोड रकमबाट के कस्तो योजना कहाँ वितरण भयो भनी खोज्नुपर्ने बेला आएको समेत बताए ।
नेपाली कांग्रेस धनकुटाका सभापति दिनेश राईले पछिल्लो समय पाटि प्रवेशले धनकुटा काग्रेस मय भएका बताए ।
कार्यक्रमको संचालन आमन्त्रित जिल्ला सदस्य रमेश राईले गरेका थिए । कार्यक्रममा सहिदभूमि गाउँपालिका सभापति टंक राई, क्षेत्रीय सहसचिव टंक थापा, यूवा नेता हिमालयन राई, साजन राई, पालिका उपसभापति मधुसुधन राई, पालिका सचिव आत्मराम राई, सहसचिव पदम राई लगायतको उपस्थिति रहेको थियो ।
