धनकुटा । जिल्लाको सिँधुवा र पाख्रिवास बजारका व्यापारी तथा व्यवसायीहरुलाई घर-घरमानै गुणस्तर तथा नाप तौल कार्यालय विराटनगरको सहयोगमा धनकुटा उद्योग बाणिज्य संघले सेवा प्रदान गर्दा दंग भएका छन् ।
सिँधुवा र पाख्रिवास बजारका व्यापारीहरुलाई घरघरमा नै सेवा प्रदान कार्यक्रमको प्रारम्भ गर्दै धनकुटा उद्योग बाणिज्य संघका अध्यक्ष विजय सन्तोषी राईले धनकुटा उद्योग बाणिज्य संघले अव सवै किसिमको सेवा घर घरमानै दिने व्यवस्था गर्ने वताउँनुभयो ।
उक्त कार्यक्रममा धनकुटा उद्योग बाणिज्य संघका कार्यकारी सदस्यहरु नविन श्रेष्ठ, उज्वल कर्माचार्य, महेन्द्र थापा, देव विश्वकर्मा, पाख्रिवास शाखाका अध्यक्ष केशव राई लगायतले धनकुटाको विकास र समृद्धि धनकुटाको उद्योग व्यापार र व्यवसायनै भएको वताउँनुभयो ।
धनकुटाको सिधुवा र पाख्रिवास बजारमा गुणस्तर तथा नापतौल कार्यालय विराटनगरका निरिक्षक मनिसा राई, सहायक निरिक्षक अनुजा घिमिरे, प्राविधिक सहायक सुनिता कुमारी पौडेल, सहयोगी जितेन्द्र चौधरीले धनकुटा उद्योग बाणिज्य संघको संयोजनमा भईरहेको नाप तौल घुम्ती शिविरमा नाप तौलको नविकरण तथा दर्ता गरी गुणस्तर तथा नाप तौलको वारेमा सहजीकरण गर्नु भएको धनकुटा उद्योग बाणिज्य संघको कार्यकारी सदस्य महेन्द्र थापाले वताउनु भयो ।
धनकुटाको सिँधुवा र पाख्रिवास बजारमा धनकुटा उद्योग बाणिज्य संघले घर आँगनमा नै आएर उद्योगी व्यापारी तथा व्यवसायीहरुलाई नाप तौलको दर्ता तथा नविकरण सम्वन्धि गुणस्तर तथा नाप तौल कार्यालय विराटनगरको सहयोगमा सेवा प्रदान गरेपछी हर्षित भएको धनकुटा उद्योग बाणिज्य संघका कार्यालय सचिव मात्रिका राईले वताउँनुभयो ।
