धनकुटा । घर–घर जाऔं, नेपाली कांग्रेसलाई जिताऔं अभियान अन्र्तगत शुक्रवार धनकुटा नगरपालिका वडा नंं ६ मा नेपाली कांग्रेसले वृहत भेलाको आयोजना गदैै अव प्रत्येक घर–घरमा गएर नेपाली कांग्रेसलाई जिताऔं अभियान संचालन गर्ने निर्णय गरेको छ ।
कार्यक्रमको उद्घाटन गर्दै नेपाली कांग्रेसका केन्द्रिय सदस्य तथा पूर्वमन्त्री सुनिलबहादुर थापाले दुई तिहाई बहुमत प्राप्त गर्दा पनि कम्यूनिष्टहरुले मुलुकमा सरकार पनि चलाउन नसकेको र कुनै परिवर्तन पनि गर्न नसकेकोले अव नेपाली कांग्रेसले वहुमतका साथ निर्वाचन जित्ने दावी गर्नुभयो ।
भने जिल्ला सभापति दिनेश राईले पटक–पटक धनकुटामा कम्यूनिष्टहरुले विजयी प्राप्त गर्दा पनि धनकुटामा विकास हुन नसकेकाले धनकुटाको विकासका लागी एक पटक कांग्रेसलाई जिताउन सवैमा आग्रह गर्नुभयो ।
नेपाली कांग्रेसका केन्द्रिय आमन्त्रित सदस्य मनोहरनारायण श्रेष्ठले मुलुकलाई धनी बनाउने आर्थिक क्रान्तिको नेतृत्व अव नेपाली कांग्रेसले गर्ने वताउनुभयो ।
नेपाली कांग्रेस वडा नं. ६ का सभापती रुपेश श्रेष्ठको अध्यक्षतामा सम्पन्न भएको वृहत भेलामा नेपाली कांग्रेसका १ नम्वर प्रदेश कार्य समितिका सदस्य नविन किशोर शाक्य, जिल्ला सचिव तथा धनकुटा नगर संयोजक विजय सन्तोषी राई, क्षेत्रिय उपसभापति मिलन खड्की, धनकुटा नगर सभापति नरेश श्रेष्ठले धनकुटा नगरको समग्र विकासको लागी नेपाली कांग्रेसलाई भोट लिएर विजयी गराउन आग्रह गर्नुभयो । भने कार्यक्रमको संचालन वडा सचिव अनिता कोइरालाले गर्नु भएको थियो ।
सो अवसरमा नेपाली कांग्रेसका महासमिति सदस्य सुमना तिम्सिना, महाधिवेशन प्रतिनिधि करुणा कटुवाल, नेपाल नागरिक समाज धनकुटाका अध्यक्ष दोर्ण गुरागाई, जिल्ला सदस्यहरु रेणु श्रेष्ठ, मिनबहादुर कार्की, नगेन्द्र पाण्डे, नेपाल प्रेस युनियन धनकुटाका अध्यक्ष हिमा चेम्जोङ, क्षेत्रीय सभापति क्षेत्र नं. ख का राजन पौडेल, क्षेत्रीय सदस्य कुुशुम जोशी श्रेष्ठ, धनकुटा नगर उपसभापति अमित तामाङ, नगर सदस्यहरु सगिता चापागार्इं, हिरा राई, सञ्जय शाही, वडा नं. ६ का पूर्वसभापति दोधराज बाँस्तोला, नेपाली कांग्रेस वडा नं. २ का सभापति राजकुमार राई, वडा नं. ४ का कार्यवाहक सभापति गोविन्द्र मैनाली, सचिव थिरबहादुर थापा, वडा नं १० का सभापति सुवास विक्रम थापा, सहिदभूमी वडा नं. ७ का सभापति मंगलसिंह राई, वडा नं. ६ का उपसभापती महेश पराजुली, टोल समिति सभापति निलन श्रेष्ठ, विरबहादुर राई, मुना रम्तेल लगायतले समेत कांग्रेसलाई जिताउन सक्रिय हुने वताउनु भयो ।
धनकुटा नगरपालिकाको वडा नं. ६ मा सधैं हरेक निर्वाचनमा नेपाली कांग्रेसले अत्यधिक मतले जित्दै आएकोमा नेपाली कांग्रेसले यस पटक नेपाली कांग्रेसमा २ सय ६ जना विभिन्न पार्टीहरु परित्याग गरी नेपाली कांग्रेसमा प्रवेश गरिसकेकाले यस पटकको निर्वाचनमा दोहोर मतले जित्ने वडा सभापति रुपेश श्रेष्ठ दावी गर्नुहुन्छ ।
