धनकुटा । धनकुटा नगरपालिका वडा नं. २ भीरगाउँमा ‘घर घर जाऔं, कांग्रेस जिताऔं’ अभियान सुरु भएको छ । अभियान सुरु भएसँगै नेपाली कांग्रेसको पक्षमा माहौल वढ्न थालेको कांग्रेसका नेताहरुले दावी गरेका छन् ।
भीरगाउँमा आयोजित ‘घर घर जाऔं, कांग्रेस जिताऔं’ अभियान कार्यक्रमको शुभारम्म गर्दै नेपाली कांग्रेसका केन्द्रिय सदस्य तथा पूर्वमन्त्री सुनिलबहादुर थापाले धनकुटामा नेपाली कांग्रेसले नमूनाको रुपमा विकास गर्ने वताउँदै नेपाली कांग्रेसलाई भोट दिएर जिताउन आग्रह गर्नु भयो ।
नेपाली कांग्रेसका पूर्वकेन्द्रिय आमन्त्रित सदस्य मनोहरनारायण श्रेष्ठले कम्यूनिष्ट सरकारको पालामा गाउँ–गाउँमा ज्यादै भ्रष्टाचार बढेकोले भ्रष्टाचारको अन्त्यका लागी कांग्रेसको जित आवश्यक भएको वताउनुभयो ।
नेपाली कांग्रेस धनकुटाका जिल्ला सचिव विजय सन्तोषी राईले धनकुटामा सत्ता गठबन्धन दलहरु विच एकता गरेर स्थानीय तहको निर्वाचनमा जाने वताउनुभयो ।
नेपाली कांग्रेस वडा नं. २ का सभापति राजकुमार राईको अध्यक्षतामा सम्पन्न भएको वृहत भेलामा महासमिति सदस्य सुमना तिम्सिना, जिल्ला सदस्य साधना आङदम्वे, क्षेत्रीय उपसभापति मिलन खड्की, धनकुटा नगर सभापति नरेश श्रेष्ठ, नेपाल प्रेस युनियन धनकुटाका अध्यक्ष हिमा चेम्जोङ, नगरसदस्यहरु संगिता चापागार्इं, पूर्वमहासमिति सदस्य असित नारायाण सिंह थापा, पूर्ववडा सभापतिहरु भक्तबहादुर भण्डारी, होमप्रसाद वराल, गणेश तामाङ लगायतले भीरगाउँको सही रुपमा अहिलेसम्म विकास हुन नसकेकोले भीरगाउँको विकासरका लागी नेपाली कांग्रेसलाई भोट लिएर जिताउन आग्रह गर्नुभयो । कार्यक्रमको संचालन वडा–सचिव यज्ञ भण्डारीले गर्नु भएको थियो ।
सो अवसरमा प्रमुख अथिति सुनिलबहादुर थापा लगायतका नेताहरुले भीरगाउँका ज्येष्ठ नागरिकहरु कमलबहादुर पौडेल, खीनामाया भण्डारी, ढालकुमारी भण्डारी, कमल बस्नेत, विष्णुमाया वस्नेत, धनमाया बस्नेत, डम्वरबहादुर वस्नेत, हेमबहादुर वस्नेत, सलबहादुर कार्की, सुनमाया राई, बेगबहादुर दाहाल, नरबहादुर भूजेल, विरबहादुर तामाङ, झगबहादुर राना, भोलामाया मगर, शेरबहादुर ठाडा मगर, खड्गमाया घिमिरे, अम्विका वस्नेत, जानुका वस्नेत, इन्द्रबहादुर ठाडा मगर, दिलमाय मगर, हरिबहादुर वस्नेतलाई खादा माला लगाएर सम्मान गर्नुभएको थियो ।
गत २०७४ सालको स्थानीय तहको निर्वाचनमा थोरै मतको अन्तरले मात्र कांग्रेस पराजित भएकोमा धनकुटा नगरपालिका वडा नं. २ मा ३ महिना यता मात्र २ सय २८ जना विभिन्न पार्टी परित्याग गरी नेपाली कांग्रेसमा प्रवेश गरेकोले यस पटक नेपाली काग्रेसले वडा नं. २ भीरगाउमा स्पष्टसंग जित्ने नेपाली कांग्रेस धनकुटका जिल्ला सचिव तथा नगर संयोजक विजय सन्तोषी राईको दावी छ ।
धनकुटा नगरपालिका वडा नं. २ भीरगाउमा अहिले नेपाली कांग्रेस प्रत्येक घर–घरमा पुग्ने थालेपछि नेपाली कांग्रेसको माहोल एक्कासी बढेर गएको छ ।
