धनकुटा । पाख्रिवास नगरपालिका वडा नं. ३ का पूर्वजनप्रतिनिधि सहित सहित दर्जनौं नेकपा एमालेका वडास्तरीय नेताहरु पाटी परित्याग गर्दै नेपाली कांग्रेसमा प्रवेश गर्नुभएको छ ।
आइतवार आयोजित एक विशेष कार्यक्रम मार्फत उनीहरुले नेकपा एमालले निर्वाचन ताका वडा तथा टोलको विकासका योजनाहरु धेरै पुरा गर्छु भनेको तर एउटै पनि पुरा नगरेको धेरै ढाटेको कारण नेकपा एमालेबाट अव वडा तथा टोलको बिकास नहुने देखेर नेकपा एमालेका पूर्वजनप्रतिनिधि सहितको दर्जनौं नेता कार्यकर्ताहरु नेपाली कांग्रेसमा प्रवेश गर्नुभएको हो ।
धनकुटा नगरपालिकाका वडा नं. ३ का निर्वाचित पूर्ववडा सदस्यहरु नेत्र वहादुर आलेमगर, खड्ग पौडेल, पूर्णबहादुर सिजाली, मनबहादुर दर्लामी सहित ३७ जना नेपाली कांग्रेसका प्रवेश गर्नु भएको छ ।
पाख्रिवास नगरपालिका वडा नं. ३ मा आयोजित विशेष कार्यक्रममा नव प्रवेशी वडा नेताहरुलाई नेपाली कांग्रेसका केन्द्रिय सदस्य पूर्वमन्त्री सुनिलबहादुर थापा, केन्द्रिय आमन्त्रित सदस्य मनोहरनारायण श्रेष्ठ, जिल्ला उपसभापती सुनिल कुमार डंगोल, सचिवद्वय विजय सन्तोषी राई, जयन्द्र घिसिङ्ग, जिल्ला सदस्यहरु ज्ञानबहादुर गुरुङ, अम्विका धमला, मनोज राई, शान्ति खड्गा, पाख्रिवास नगरकार्य समितिका सभापति प्रेम भण्डारी, सचिव सन्तोष मानन्धर, धनकुटा नगरकार्य समितिका उपसभापती अमित लो तामाङ, पाख्रिवास वडा नं. ३ का सभापति चन्द्र लिम्बु लगायतले खादा माला लगाई स्वागत गर्नु भएको थियो ।
नेपाली कांग्रेसमा प्रवेश गर्नु भएको पूर्वजनप्रतिनिधिहरु तथा नेकपा एमालेका वडास्तरीय नेताहरुले अव पार्टी प्रवेशसंगै नेपाली कांग्रेसलाई विजयी गराउन लाग्ने प्रतिवद्धता व्यक्त गर्नुभएको थियो ।
धनकुटा नगरपालिका वडा नं. ३ मा नेकपा एमाले लगायत विभिन्न पार्टीहरु परीत्याग गरी नेपाली कांग्रेसमा विगत ६ महिनादेखि हालसम्म १ सय १६ जना नेपाली कांग्रेसमा प्रवेश गरिसकेकाले वडा नं. ३ मा समेत अहिले टोल समितिहरु सवै गठन भइसकेकोले कांग्रेसको पक्षमा जनलहरु समेत उर्लिए आएको नेपाली कांग्रेस धनकुटाका जिल्ला सचिव विजय सन्तोषी राईले वताउँनुभयो ।
पाख्रिवास कृषि केन्द्रमा अध्ययनरत नेपाल विद्यार्थी संघ समर्थित विद्यार्थीहरुसँग नेपाल विद्यार्थी संघका पूर्व नेता तथा नेपाली कांग्रेस धनकुटाका सचिव विजय सन्तोषी राई लगायतका कांग्रेसका नेताहरुले अन्र्तक्रिया छलफल गर्नु भएको थियो ।