धनकुटा । पाख्रिवास नगरपालिका वडा नं. १ सान्नेमा आइतबार आयोजित कार्यक्रममा वृहत सहभागीतामा भएकोले कांग्रेसको विजयी सुनिश्चित भएको दावी गरेका छन् । गत स्थानीय निर्वाचनमा पाख्रिवास नगरपालिकाको वडा नं. १ सान्नेमा अत्यन्तै थोरै मतले मात्र पराजित भएको नेपाली कांग्र्रेस पार्टाीको अहिले व्यापक रुपमा सवै टोल समितिहरु गठनसंग्रै कांग्रेसमा प्रवेश समेत सयौको संख्यामा रहेको र आइतबारको कार्यक्रममा समेत व्यापक सहभागिता रहेकोले कांग्रेसको जित सुनिश्चित बन्दै गएको हो ।
उक्त कार्यक्रममा नेपाली कांग्रेसका केन्द्रिय सदस्य तथा पूर्वमन्त्री सुनिलबहादुर थापाले दुई तिहाईको बहुमत प्राप्त कम्यूनिष्टहरुकाे सरकारले राज्य संचालन गर्न असफल भई पार्टी नै टुक्रा-टुक्रा भएकोले अव नेपाली कांग्रेसलाई भोट दिएर जिताउन आग्रह गर्नुभयो ।
जिल्ला सभापति दिनेश राईले नेपाली कांग्रेस जनताको वास्तविक पार्टी भएकोले जनताका मर्म र भावना अनुरुप कांग्रेसले काम गर्ने बताउँनुभयो ।
आमन्त्रित केन्द्रिय सदस्य मनोहर नारायण श्रेष्ठले एमसिसि पास भएसँगै नेपालको विकास र समृद्धिको यात्रा शुरु भएको बताउनुभयो ।
धनकुटा जिल्ला पाख्रिवास नगरपालिका वडा नं. १ का सभापति कुलबहादुर थापाको सभापतित्वमा सम्पन्न बृहत कार्यक्रममा नेपाली कांग्रेसका प्रदेश कार्य समितिका सदस्य अञ्जना राई, नेपाली कांग्रेस धनकुटाका उपसभापति सुनिल कुमार डंगोल, सचिवहरु विजय सन्तोषी राई, जयन्द्र घिसिङ्ग, जिल्ला सदस्य ज्ञानु गुरुङ्ग, अम्विका धमला, गिता अधिकारी, लिलम थापा, पाख्रिवास नगर कार्यसमतिका सभापति प्रेम भण्डारी लगायतले पाख्रिवासको विकास र समृद्धि अहिलेको नेकपा एमाललेको सरकारले गर्न नसकेकोले अव कांग्रेसले निर्वाचन जितेर पाख्रिवासको विकास गर्ने बताउँनुभयो ।
कार्यक्रममा स्वागत मन्तव्य पूर्व जिल्ला सदस्य रुद्र कार्कीले गर्नु भएको थियो । कार्यक्रमको संचालन वडा सचिव मदन अधिकारीले गर्नु भएको थियो ।
कार्यक्रममा नेपाली कांग्रेस धनकुटाका पूर्व महासचिव सदस्य असित नर सिंह थापा, जिल्ला सदस्य लिलम थापा, क्षेत्र नं. ख का क्षेत्रिय सचिव दिलराज घिसिङ्ग, नगर सचिव सन्तोष मानन्धर, सहसचिव इन्दिरा कार्की, कोषाध्यक्ष डम्वर कुमारी अधिकारी, नेपाली कांग्रेसका नेताहरु भैरवा अधिकारी, कृष्ण गोविन्द्र धमला, भोगेन्द्र पाण्डे, जगत धमला, गणेश पाण्डे, रन्त अधिकारी, तारा अधिकारी, चन्द्रकला धमला, नेपाल तरुण दल धनकुटाका कार्यवहाक अध्यक्ष यूवराज पराजुली लगायतले कांग्रेसलाई जिताउने प्रतिवद्धता व्यक्त गर्नु भएको थियो ।
धनकुटाको पाख्रिवासको वडा नं. १ र २ मा सवै टोल समितिहरु गठनगरी परिचालन भइरहेको र वडा स्तरीय वृहत कार्यक्रम ३/३ पटक सम्पन्न भइसकेको र अन्य पार्टीबाट पनि अहिलेसम्म ३ सय २८ जना नेपाली कांग्रेसमा प्रवेश गरि सकेकाे कारण नेपाली कांग्रेसको जित पक्का भएको नेपाली कांग्रेस धनकुटाका जिल्ला सचिव विजयसन्तोषी राईले बताउनुभयो ।
पटक-पटक सान्नेमा कम्न्यूनिष्टहरुले जिते पनि सान्नेको विकास र समृद्धि हुन नसकेकाले सान्नेलीहरु अहिले परिवर्तनको पक्षमा उभिएकाले कांग्रेसको पक्षमा जनलहर बढ्दै गएको छ ।