धनकुटा । धनकुटामा स्थानीय तहको निर्वाचनमा गठबन्धन गर्ने निर्णय गर्दै नेपाली कांग्रेस धनकुटाको पदाधिकारीहरुको बैठकले स्थानीय तहको आवश्यक्ता अनुसार वडा र स्थानीय तहमा गठबन्धन गर्नका लागी स्थानीय स्तरमानै गर्न निर्देशन दिने निर्णय गरेको छ ।
नेपाली कांग्रेस धनकुटाका जिल्ला सभापति दिनेश राईको अध्यक्षमा सम्पन्न भएको जिल्ला पदाधिकारीहरुको बैठकले स्थानीय तहको निर्वाचनमा सत्ता गठबन्धन दलहरुसंग गर्ने र कुन कुन पद कसरी बाँडफाड गरी र्निाचनमा उम्मेदवारी दिने सम्वन्धमा स्थानीय स्तरमानै छलफल गर्ने र समहमती गर्नका लागी अधिकार दिइएको जिल्ला सचिव तथा संगठन विभाग प्रमुख विजय सन्तोषी राईले बताउनु भयो ।
स्थानीयत तहको वडा अध्यक्ष तथा सदस्यहरुमा गठबन्धन गरी सिट बाडफाड गर्न जिल्लाबाट खटाइएका वडा संयोजकहरुले पालिका संयोजकसंग समन्वय गरी वडा कार्य समितिका सभापती र वडा समिति संग छलफल गरी उनीहरुकै सहभागितामा वडाका गठबन्धनका दलहरुसँग समेत छलफल गरी सहमतिका साथ उम्मेदवारको सिफारिस समेत गर्ने निर्णय भएकोले सोही अनुसार कार्य गर्ने निर्देशन समेत दिएको जिल्ला सचिव जयन्द्र घिसिङ्गले वताउनु भयो ।
यसैगरी सात वटा पालिकामा प्रमुख र उपप्रमुखमा समेत गठबन्धन गरी उम्मेदवार दिनका लागी पालिका स्तरमानै सत्ता गठबन्धन दलहरुसंग छलफल गरी बाडफाड गर्नका लागी जिल्लाबाट खटाइएका पालिका संयोजकहरुले पालिका समितिका सभापती तथा पालिका समितिसंग समन्वय गरी उनीहरुकै सहभागीतामा संयुक्त बैठक गरी निर्णय गर्ने गरी सिफारिस गर्नका लागी निर्देशन सहित जिम्मेवारी दिइएको नोली कांग्रेस धनकुटाका जिल्ला उपसभापती सुनिल डंगोलले वताउनु भयो ।
स्थानीय तहको आवाश्यक्ता र परिस्थितिलाई मध्यनजर गर्दै अव वडा तथा पालिकाबाटै सत्ता गठबन्धन दलहरुसंग बैठक तथा छलफल गरी कुन दलले कुन वडामा वाडाध्य र सदस्यहरु पाउने र पालिका प्रमुख तथा उपप्रमुखमा कसरी समझदारी गर्ने बारेमा सुझाव सहित जिल्ला समितिमा सिफारिस गर्ने जिम्मेवारी समेत वडा र पालिका संयोजहरुलाई दिएको छ ।
धनकुटा जिल्लामा क्रियाशिल सत्ता गठबन्धन दलहरुबिच गठबन्धन गरेर स्थानीय तहको निर्वाचनमा भाग दिने सहमती अनुसार नेपाली कांग्रेस धनकुटा जिल्ला समितिको पदाधिकारीहरुको बैठकले यसको छलफल गर्न र सिट बाडफाड गरी सहमतीको आधारमा गठबन्धन गर्नका लागी जिम्मेवारी वडा संयोजक,पालिका संयोजक र वडा तथा पालिकाका कार्य समितिलाई अधिकार दिई जिम्मेवारी समेत दिएको र उहाले चैत्र १० गते भित्र सुझाव सहित जिल्लामा गठबन्धन गर्ने र उम्मेदवार सिफारिस गर्नका लागी समेत निर्देशन दिएको जिल्ला सभापती दिनेश राईले वताउनु भयो ।
नेपाली कांग्रेस धनकुटाका जिल्ला सभापती दिनेश राईलाई बैठकमा धनकुटा नगरपालिकाका संयोजक विजय सन्तोषी राई,पाख्रिवास नगरपालिकाका संयोजक सुनिल कुमार डंगोल,सागुरीगढी गाउपालिकाका संयोजक जयन्द्र घिसिङ्ग,छथरजोरपाटी गाउपालिकाका संयोजक रोशन श्रेष्ठ र चौविसे गाउपालिककाका संयोजक गिरिजा प्रसाद दाहाल र सहिदभूमी गाउपालिकाका संयोजक खगेन्द्र घिमिरेले अहिलेको सम्मको अवस्थाको वारेमा जानकारी दिदै प्रतिवेदन प्रस्तुत गर्नु भएको थियो ।
