धनकुटा । धनकुटा नगरपालिका वडा नं. ५ र ७ मा निर्वाचन जित्नका लागी नेपाली कांग्रेस धनकुटाले वडा भेलाको आयोजना गरि विशेष रणनीति बनाउँदै निर्वाचनमा विजयी हासिल गर्न तयारी थालेको छ ।
धनकुटा नगरपालिका वडा नं. ५ मा १२ वटै टोल समितिहरु गठन गरी घर-घरमा विशेष योजनाका साथ गई नेपाली कांग्रेसको रुख चिन्हमा भोट दिन अनुरोध गर्ने र महिला तथा यूवा र ज्येष्ठ नागरिक परिचालन गर्ने वडा सभापति धनकुमार राईले वताउँनुभयो ।
उक्त वडा भेलामा नेपाली कांग्रेस धनकुटाका जिल्ला सचिव तथा धनकुटा नगर संयोजक विजय सन्तोषी राईले धनकुटा नगरपालिकामा एमालेको स्थानीय सरकारले अहिले सम्म कुनै नमुना योग्य र हेर्न लायक कुनै काम गर्न नसकेको व्यापक अनियमितता गरेकाले अव नेपाली कांग्रेसलाई धनकुटेली मतदाताहरुले मतदान गरी विजयी गराउने वताउँनु भयो । संयोजक राईले धनकुटा नगरपालिका मात्रै २० करोडको बेरुजु आएकाले धनकुटा नगरपालिकामा व्यापक भ्रष्टाचार भएको प्रमाण भएको वताउनुभयो ।
नेपाली कांग्रेस धनकुटा नगरपालिका वडा नं. ५ का वडा सभापती धन कुमार राईको अध्यक्षतामा सम्पन्न वडा भेलामा वडाका उपसभापतिहरु गोविन्द्र राई, शम्भु प्रधान, वडा सचिवहरु सागर श्रेष्ठ, सरिन प्रधान, नेपाल तरुण डिफेन्स फोर्स धनकुटा नगरका संयोजक रत्नेश राई , टिका श्रेष्ठ, बेनु राई लगायतले धनकुटा नगरपालिका वडा नं. ५ मा नेपाली कांग्रेसलाई पूनअत्याधिक मतले जिताउने वताउनु भयो ।
यसैगरी धनकुटा नगरपालिका वडा नं. ७ को वडा भेलामा नेपाली कांग्रेस धनकुटाका उपसभापति सुनिल कुमार डंगोल, जिल्ला सचिव तथा नगर संयोजक विजय सन्तोषी राई, जिल्ला सदस्य रोशेष श्रेष्ठ, क्षेत्रीय सदस्य रोहिणी पाण्डे, नगर सदस्य राधा बजगाई, मञ्जु आर्चाय, रेजिना पलिखे, कुमार दाहाल, केदारनाथ श्रेष्ठ, क्षेत्रीय प्रतिनिधि आशिष लिम्बु, घनश्याम चापागाई, शोभा बराललगायतले नेपाली कांग्रेसलाई जिताउन अव सवै मतदाताको घर-घरमा जाने वताउनुभयो ।
नेपाली कांग्रेस धनकुटा नगरपालिका वडा नं. ७ का सभापति शैलेसमान श्रेष्ठको अध्यक्षतामा सम्पन्न वडा भेलामा उपसभापतिहरु कुमार श्रेष्ठ, रोशनराज अमात्य, सचिवहरु उर्गेन शाक्य, होमप्रसाद लिम्बु, सिता दाहाल, शैलेश श्रेष्ठ लगायतले समेत नेपाली कांग्रेस जित यस पटक पक्का भएको वताउनु भयो ।
धनकुटा नगरपालिका वडा नं. ७ मा आगामी निर्वाचनका लागी उम्मेदवाहरु समेत सिफारिस गरिएको वडा सचिव रुर्गेन शाक्यले वताउनु भयो । धनकुटा नगरपालिका वडा नं. ५ मा दोब्वर मतले नेपाली कांग्रेसले गत स्थानीय तहको निर्वाचनमा पुरै सेट जितेको र वडा नं. ७ मा २३ मतले मात्र पराजित भएको नेपाली कांग्रेले अव दुवै वडाहरुमा अत्यधिक मतले जित्नका लागी वडा भेलाहरुले नेकपा एमालेको धनकुटा नगरपालिका सरकारले गरेको अनियमिता र जनविरोधी क्रियाकलाापको भण्डारफोर गर्ने र प्रत्येक जनताको घर घरमा पुग्ने लगायतका विशेष रणनिति तयार गरेको धनकुटा नगर संयोजक राईले बताउनुभयो ।