धनकुटा l धनकुटा नगरपालिकामा सत्तारुढ दलहरुविच गठबन्धन गरी स्थानीय तहको निर्वाचनमा संयुक्त रुपमा भाग लिएर अत्यधिक मतले जित्ने आज नगर स्तरीय गठबन्धन दलहरुको संयूक्त बैठकले निर्णय गरेको छ ।
धनकुटा नगरपालिकामा क्रियाशिल सत्ता गठबन्धन दलहरु नेपाली कांग्रेस,नेकपा माओवादी केन्द्र, नेकपा एकिकृत समाजवादी र जनता समाजपाटी पार्टीको नगर स्तरीय समितिको बुधवार सम्पन्न संयुक्त बैठक वसी स्थानीय तहको निर्वाचनमा धनकुटा नगरपालिकामा निर्वाचन जित्नका लागी गठबन्धन गरी संयुक्त रुपमा स्थानीय तहको निर्वाचनमा भाग लिने र त्यसका लागी व्यापक तयारी गर्ने समेत निर्णय गरेको हो ।
सत्तारुढ दलहरुको उक्त संयुक्त बैठकले धनकुटा नगरपाकिाको प्रमुख र उप्रमुख र वडाहरुमा गठबन्धन गरी चार दलको तर्फबाट संयुक्त रुपमा उम्मेदवारी दिने र निर्वाचन जित्नका लागी अभियान संचालन गर्ने सिट बाडँफाड समेत गर्ने त्यसका लागी आ आफ्नो दलमा छलफल गर्ने र चैत्र १३ गते गठबबन्धनको संयुक्त बैठक गर्ने निर्णय गरेका छन् ।
धनकुटा नगर स्तरीय सत्ता गठबन्धनको बैठकमा नेपाली कांग्रेस धनकुटा जिल्ला सचिव तथा धनकुटा नगर संयोजक विजय सन्तोषी राई, नेपाली कांग्रेस धनकुटाका नगरका सभापति नरेश श्रेष्ठ, उपसभापति अमित लो तामाङ, नेकपा माओवादी केन्द्र धनकुटा नगरका संयोजक गणेश विष्ट, नगर अध्यक्ष हेमचन्द्र किराती, सचिव खगेन्द्र विष्ट, नेकपा एकिकृत समाजवादी धनकुटाका नगर इन्चार्ज सोम वहादुर राई, नगर अध्यक्ष सुजनभाई जोशी, जनता समाजवादी पार्टी धनकुटा जिल्लाका कोषाध्यक्ष सरोज आठपहरिया,नगर अध्यक्ष दिल कुमार राई लगायतका गठबन्धनका नेताहरुले धनकुटा नगरमाा गठबन्धन गरी निर्वाचन जित्ने प्रतिवद्धता व्यक्त गर्नु भएको छ ।
बैठकमा सहभागी धनकुटा नगरमा क्रियाशील सत्ता गठबन्धनका नेताहरुले टोल टोल सम्म गठबन्धनको पक्षमा क्रियालिश भई गठबन्धनको पक्षमा जनमत सिर्जना गर्न लाग्न चार दलका सवै धनकुटा नगरपालिका नगर, वडा र टोल समितिहरुलाई समेत आग्रह गर्नु भएको छ ।
धनकुटा नगरपालिकामा सत्ता गठबन्धन दलहरुले गठबन्धन गरेर दोब्वर मतको अन्तरले निर्वाचन जित्न तयारी गरिरहेको दावी गर्नु हुन्छ नेपाली कांग्रेस धनकुटाका नगर संयोजक तथा जिल्ला सचिव विजय सन्तोषी राई ।
नेकपा माओवादी केन्द्रले पनि धनकुटा नगरको टोल टोलमा समितिहरु निर्माण गरी परिचालित गरेकोले पहिलेको भन्दा अहिले पार्टीको स्थिति राम्रो भएको धनकुटा नगर अध्यक्ष हेमचन्द्र किराती वताउनु हुन्छ ।
नेकपा एकिकृत समाजवादीले पनि धनकुटा नगर भरी संगन निर्माण गरिसकेकोले संगठक विस्तार हुदै गएको वताउनु हुन्छ नगर अध्यक्ष सजुन भाई जोशी ।
यसैगरी जनता समाजवादी पार्टीले पनि धनकुटा नगरभरी टोल टोल सम्म पुगेर संगठन विस्तार तथा सुदृढीकरण गर्दै गरेकोलेले संगठन उल्लेखनिय ढंगले वृद्धी भएको वताउनु हुन्छ धनकुटा जिल्लाका कोषाध्यक्ष सरोज आठपहरिया ।
गत स्थानीय तह २०७४ सालको निर्वाचनमा नेकपा एमालले ४ हजार ९सय ३३ मत प्राप्त गरेर झिनो मतको अन्तरले मात्र जितेको थियो भने नेपाली कांग्रेसले ४ हजार ८ सय १९ मत नेकपा माओवादी केन्द्रले २हजार ६ सय मत प्राप्त गरेको थियो ।
धनकुटा नगरपालिकामा नेपाली कांग्रेस, नेकपा माओवादी केन्द्र, नेकपा एकिकृत पार्टी, जनता समाजवादी पार्टी गठबन्धन गरी स्थानीय तहको निर्वाचनमा संयुक्त उम्मेदवारी दिई संयुक्त रुपमा भाग लिने निर्णय संगै धनकुटा नगरभरि गठबन्धनको जित सुनिश्चित भएको भन्दै नगरवासी सवै उत्साहित भएका छन् ।