धनकुटा l धनकुटा नगरपालिकामा नेपाली कांग्रेस एक ढिक्का भएर सत्ता रुढ दलहरुसँग गठबन्धन गरी निर्वाचनमा जाने विहिवार सम्पन्न नगरभेलाले निर्णय गर्दै कांग्रेसको तर्फबाट लोकप्रिय उम्मेदवारीहरु समेत सिफारिस गर्ने निर्णय गरेको छ ।
धनकुटा नगर कार्य समिति र वडा सभापतिहरुको भेलालाई सम्बोधन गर्दै नेपाली कांग्रेस धनकुटका जिल्ला सचिव तथा नगर संयोजक विजय सन्तोषी राईले नेकपा एमालेले यसअघिको निर्वाचनमा बहुमत प्राप्त गरेपनि एमालेले सरकार र संसद संचालन गर्न नसकी संसद विघटन गरेको अनि पार्टीलाई नै टुक्रा-टुक्रा पारेकाले नेपाली जनताले एमालेलाई यस पटक दण्डित गरी कांग्रेसलाई मतदान गरी जिताउने वताउँनुभयो ।
नेपाली कांग्रेस धनकुटा नगरकार्य समितिका सभापति नरेश श्रेष्ठको अध्यक्षतमा सम्पन्न भएको नगर कार्यसमिति र वडा सभापतिहरुको भेलामा नगर कार्यसमितिका उपसभापतिहरु अभिषेक कर्माचार्य, अमित लो तामाङ, सचिवहरु लोकेन्द्र खड्का, राम घिसिङ्ग, सहसचिव ज्ञानेन्द्र वस्नेत, नगर कार्यसमितिका सदस्यहरु रेजिना पलिखे, राधा बजगाई, संगिता चापागाई, दुर्गा गोङ्वा, मञ्जु आचार्य, हिरादेवी राई, सिता दाहाल, अर्जुन घले, केदारनाथ श्रेष्ठ, कुमार दाहाल, कृष्णमाया श्रेष्ठ लगायतले यस पटक धनकुटा नगरमा कांग्रेसले जित्ने दावी गर्नु भयो ।
भेलामा नेपाली कांग्रेसका जिल्ला सदस्यहरु अम्विका परियार, इन्दिरा थापा कटुवाल, अर्जुन केसी, नगेन्द्र पाण्डे, गोकुललाल श्रेष्ठ, धनकुटा नगरपालिका वडा नं. १ का सभापति विरवहादुर तामाङ, वडा नं. २ का सभापति राजकुमार राई, वडा नं. ३ का सभापति पदम भण्डारी, वडा नं. ४ का सभापति गोविन्द्रप्रसाद मैनाली, वडा नं. ५ का सभापति धनकुमार राई, वडा नं. ६ का सभापति रुपेश श्रेष्ठ, वडा नं. ७ का सभापति शैलेसमान श्रेष्ठ, सचिव उर्गेन शाक्य, वडा नं. ८ का उपसभापति भोगेन्द्र राई, वडा नं. ९ का सभापति प्रेम खत्री, वडा नं. १० का सभापति सुवास विक्रम भट्टराई लगायत एमाले धनकुटा नगरसरकारले गरेको भ्रष्टाचार र अनियमतिको विरुद्धमा धनकुटेली जनताले कांग्रेसको पक्षमा यस पटक भोट दिएर जिताउने वताउँनुभयो ।
नेपाली कांग्रेस धनकुटा नगर कार्य समितिद्वारा आयोजित नगरस्तरीय भेलाले धनकुटा नगरपालिकामा अत्याधिक मतले निर्वाचन सजिलै जित्नका लागी सत्ता गठबन्धन दलहरुसँग गठबन्धन गरी निर्वाचनमा जाने भन्दै उम्मेदवारी समेत सिफारिस गरेको छ ।
उक्त धनकुटा नगर कार्यसमितिको भेलाले वडा कार्य समितिहरुबाट उम्मेदवारीका लागी सिफारिस साथ आएका नामावलीहरुलाई सुझाव सहित जिल्ला कार्य समितिमा पठाइएको नगर सभापती नरेश श्रेष्ठले वताउनुभयो ।
गत २०७४ सालको निर्वाचनमा थाेरै मतले पराजित भएको नेपाली कांग्रेसले धनकुटा नगरपालिकामा गठबन्धन गरी निर्वाचनमा जाने निर्णय संगै गठबन्धनको जित सुनिश्चित भएको भन्दै धनकुटा नगरपालिकामा भरि अहिले सवै नगरवासीहरुमा नयाँ उत्साह र उर्जा मिलेको छ ।