धनकुटा l धनकुटा नगरपालिका वडा नं. ४ मा नेकपा एमाले परित्याग गरी हिरालाल राई लगायत दर्जनौ नेता कार्यकर्ताहरु नेपाली कांग्रेसमा प्रवेश गरेका छन् ।
विगत दुई महिना यता धनकुटा नगरपालिका वडा नं. ४ मा नेपाली कांग्रेसमा अन्य पार्टीहरुबाट प्रवेश गर्नेहरुको लहनै चलेको छ । नेपाली कांग्रेस धनकुटाका जिल्ला सभापती दिनेश राई, उपसभापतl सुनिलकुमार डंगोल, सचिव तथा धनकुटा नगर संयोजक विजय सन्तोषी राई नेताहरुले नेकपा एमाले परित्याग गरी नेपाली कांग्रेसमा प्रवेश गर्नु हुने हिरालाल राई लगायनका नेताहरुलाई खादा अविर लगाई लिई स्वागत गर्नु भएको थियो ।
नगर कार्य समितिका सदस्य केदारनाथ श्रेष्ठ, धनकुटा नगरपालिका वडा नं. १ का सभापतl विरवहादुर तितुङ्ग, वडा नं. २ का सभापति राज कुमार राई, वडा नं. ७ का सभापति शैलेसमान श्रेष्ठ, सचिव उर्गेन शाक्य, वडा नं. ४ का सभापति गोविन्द्र मौनाली, सचिव थिरबहादुर थापा, सदस्य मनिष श्रेष्ठ, मातृका राई लगायतका नेताहरुले समेत नेकपा एमाले परित्याग गरी नेपाली कांग्रेसमा प्रवेश गर्नु हुनेहरुलाई स्वागत गर्नु भएको थियो ।
धनकुटा नगरपालिका वडा नं. ४ मा दुई महिना यता देखी निर्वाचन प्रचार प्रसारको अभियानमा १ सय ५४ जना विभिन्न पार्टी परित्याग गरी नेपाली कांग्रेसमा प्रवेश गरिसकेका छन् ।
नेपाली कांग्रेस धनकुटाका जिल्ला सभापति दिनेश राईले नेपाली कांग्रेसले यस पटक धनकुटामा निर्वाचन जित्ने वताउनुभयो । धनकुटा नगरपालिकामा विभिन्न अन्य पार्टी परित्याग गरी नेपाली कांग्रेसमा प्रवेशको लहर र गठबन्धन गरी निर्वाचनमा जाने गठबन्धन दलहरुको निर्णयले पनि अव धनकुटा नगरपालिका वडा नंं. ४ लगायत धनकुटा नगरपालिका भरि कांग्रेसको जित हुने नेपाली कांग्रेस धनकुटा नगरका संयोजक तथा जिल्ला सचिव विजय सन्तोषी राईले वताउनुभयो ।
नवप्रवेशी नेता हिरालाल राईले अव नेपाली कांग्रेसलाई जिताउनका लागि सम्पूर्ण शक्ति लगाएर क्रियाशील हुने प्रतिवद्धता व्यक्त गर्नुभयो ।
