धनकुटा l नेपाल निजामती कर्मचारी युनियन धनकुटाले संघीय निजामति सेवा ऐन तत्काल जारी गर्न नेपाल सरकारलाई सुझाव सहित ज्ञापन पत्र वुझाएको छ ।
सोमवार प्रमुख जिल्ला अधिकारी युवराज कटेलमार्फत नेपाल निजामती कर्मचारी युनियन जिल्ला कार्य समितिले धनकुटाले ऐनका विषयमा संसोधन गर्नुपर्ने सुझावहरु समेतलाई समेटी तत्काल निजामति सेवा ऐन जारी गर्न ज्ञापन पत्र वुझाएको हो ।
ज्ञापन पत्र वुझाउन युनियनका जिल्ला अध्यक्ष खिरवहादुर वुढाथोकी सहित अन्य पदाधिकारीहरु प्रजिअ कार्यकक्षमा पुगेका थिए । ज्ञापन पत्रमा सेवा समूह, श्रेणी/तह, भर्ना, छनौट तथा पदस्थापन, सरुवा, वढुवा, सेवा सुविधा, तालिम, आचरण, दण्ड, सजाय र पुरस्कार, ट्रेड युनियन, कर्मचारी सुरक्षा, निजामति सेवा सुधार, अवकास लगायतका विषयमा युनियनको तर्फवाट सुझाव समेटिएको जिल्ला अध्यक्ष खिरवहादुर वुढाथोकीले बताउँनुभयाे ।