धनकुटा । आसन्न स्थानीय तहको निर्वाचनमा धनकुटामा नेकपा एमाले वाहेकका दलहरुको गठबन्धन अनिवार्य भएको विहिवार आयोजित सत्ता पक्षिय केन्द्रिय नेताहरु र जिल्ला तथा पालिकास्तरका नेताहरुको संयुक्त भेलामा नेताहरुले बताउँनु भएको छ ।
उक्त भेलाले एमाले वाहेकका सम्पूर्ण दलहरु गठबन्धन गर्नका लागि जिल्ला स्तरीय कार्यदल समेत गठन गरेको छ ।
नेकपा एमालेको ज्यादती र अनियमिताको विरुद्धमा धनकुटामा एमाले वाहेकका दलहरुको गठबन्धन अनिवार्य भएको धनकुटा जिल्लाबाट केन्द्रिय स्तरमा प्रतिनिधित्व गर्नु हुने सत्ता रुढ दलका नेताहरु र जिल्ला तथा पालिकाका नेताहरुले वताउनु भएको हो ।
उक्त भेलाले स्थानीय तह निर्वाचनमा गठबन्धन गर्नका लागी एमाले वाहेका दलहरु विच छलफल र बार्ता गरी खाका तयार गर्नका लागी नेपाली कांग्रेस धनकुटका जिल्ला सभापति दिनेश राई, नेकपा माओवादी केन्द्र धनकुटाका संयोजक डिल्लीराम राई, नेकपा एकिकृत समााजवादी धनकुटका जिल्ला अध्यक्ष अर्जुन राई, जनता समाजवादी पार्टीका अध्यक्ष बलवहादुर राई रहनु भएको जिल्ला स्तरीय कार्य दल गठन गरेको नेपाली कांग्रेस धनकुटका जिल्ला सचिव विजय सन्तोषी राईले वताउनुभयो ।
उक्त जिल्ला स्तरीय कार्यदलले आवश्यकता अनुसार अन्य समितिहरु पनि बनाउने समेत निर्णय गरेको छ । उक्त भेलामा जनता समाजवादी पार्टीका केन्द्रिय उपाध्यक्ष तथा पूर्वमन्त्री रकम चेम्जोङले धनकुटामा नेकपा एमालेको ज्यादतीको विरुद्ध गठबन्धन अनिवार्य भएको बताउनुभयो ।
नेपाली कांग्रेस केन्द्रिय कार्य सम्पादन समितिका सदस्य पूर्वमन्त्री सुनिलबहादुर थापाले धनकुटामा सत्ता गठबन्धन दलहरुले कसैले पनि एमाललेसँग गठबन्धन गर्न नसक्ने सत्ता गठबन्धन दलहरुविचनै अनिवार्य गठबन्धन हुने वताउनु भयो ।
नेकपा माओवादी केन्द्रका केन्द्रिय सदस्य हेमराज भण्डारीले गठबन्धन दलहरुले यस पटक धनकुटामा सार्थक परिणाम निकाल्ने त्यसका लागि वडा-वडासम्म गठबन्धन दलहरुबीच सहमति र सहकार्य हुने वताउँनुभयो ।
नेकपा एकिकृत समाजवादीका केन्द्रिय सदस्य धर्मराज पौडेलले गठबन्धन सवै दलहरुको सहअस्तित्वको आधारमा हुने वताउनु भयो ।
सत्ता गठबन्धनको उक्त भेलामा नेकपा माओवादी केन्द्रका केन्द्रिय सदस्य धनमाया विक खनाल, प्रदेश कमिटिका सहसचिव ऋषिराम ढुंगाना, जनता समाजवादी पार्टीका केन्द्रिय सदस्य राजकुमार राई, नेकपा एकिकृत समाजवादीका केन्द्रिय सदस्य बंगलादेवी राई, नेपाली कांग्रेस धनकुटका सभापति दिनेश राई, सचिव विजय सन्तोषी राई, मदन घिमिरे,नेकपा माओवादी केन्द्र धनकुटका जिल्ला संयोजक डिल्लीराम राई, नेकपा एकिकृत समाजवादी धनकुटाका अध्यक्ष अर्जुन राई, सचिव खगेन्द्र सुवेदी, जनता समाजवादी पाटी धनकुटाका अध्यक्ष बलबहादुर राई, सचिव श्रीराम रायमाझी लगायतले धनकुटा जिल्लामा एमाले वाहेकका दलहरुको गठबन्धन बलियो भएको वताउनुभयो ।
यसैगरी आजै सत्ता गठबन्धन दलहरुको नगर स्तरीय गठबन्धन दलहरुको संयुक्त भेला समेत समेत केन्द्रिय तथा जिल्ला स्तरीय गठबन्धन दलहरुको नेताहरुको उपस्थितिमा सम्पन्न भयो । उक्त भेलामा नेपाली कांग्रेस धनकुटा नगर कार्य समतिकिा सभापति नरेश श्रेष्ठ, नेकपा माओवादी केन्द्र धनकुटका नगर अध्यक्ष हेमचन्द्र किराती, जसपा धनकुटा नगरका अध्यक्ष दिलकुमार राई, नेपाली कांग्रेस पाख्रिवास नगर कार्य समितिका सभापति प्रेम भण्डारी, नेकपा माओवादी केन्द्र पाख्रिवास नगर कमिटीका अध्यक्ष ओम प्रकाश निरौला, जनता समाजवादी पार्टी पाख्रिवास नगरका अध्यक्ष जितेन्द्र राई, नेपाली कांग्रेस महालक्ष्मी नगर कार्यसमितिका सभापति ध्रुवराज राय, नेकपा माओवादी केन्द्र महालक्ष्मी नगर कमिटिका अध्यक्ष प्रेम खड्का, जनता समाजवादी पार्टी महालक्ष्मी नगर कार्य समितिका अध्यक्ष नरेन्द्र तुम्वाले आ-आफ्नो नगरपालिकाको पार्टीका अवस्था गठबन्धन सम्वन्धमा विचार राख्दै गठबन्धन आवाश्यक रहेकोले गठबन्धन गरी निर्वाचनमा जाने र निर्वाचन जित्ने प्रतिवद्धता व्यक्त गर्नुभयो ।
भेलामा नेपाली कांग्रेस धनकुटाका महासमिति सदस्य अजित नारायण सिंह थापा, प्रदेश सभा क्षेत्रिय कार्य समितिका ख का सभापति राजन पौडेल, धनकुटा नगर कार्यसमितिका उपसभापति अमित लो तामाङ, नेकपा माओवादी केन्द्र धनकुटाका नेताहरु कृष्ण कटुवाल, दुर्गा कुँवर, मुक्ति बजगाई, बलराम खड्का, पदम रखाल, आरपी बस्तोला, नेपाली कांग्रेस पाख्रिवास नगर कार्य समितिका सचिव सन्तोष मानन्धर, जनता समाजवादी पार्टी धनकुटाका सनिका आठपहरिया, जसपा पाख्रिवासका सचिव शान्त मगर लगायत महालक्ष्मी नगर कार्य समिति कांग्रेसका सचिव कृष्ण केसीले पनि गठवन्धन गरी निर्वाचनमा जानु पर्ने एक मात्र विकल्प रहेको वताउँनुभयो ।
सत्ता गठबन्धन दलहरुको धनकुटामा भएको भेलाका अधिकांश सहभागीहरुले नेकपा एमाले वाहेकका सम्पूर्ण दलहरु गठबन्धन गरी निर्वाचनमा जानु पर्ने एकमात्र विकल्प रहेकोमा जोड दिनुभएको थियो ।