धनकुटा l करदाता सेवा कार्यालय धनकुटा र धनकुटा उद्योग बाणिज्य संघको संयुक्त आयोजनामा शुक्रवार कर सम्वन्धि अन्तरक्रिया कार्यक्रम सम्पन्न भएको छ ।
धनकुटा उद्योग वाणिज्य संघका पदाधिकारी तथा सदस्यहरु, करकार्यालयका कर अधिकृत लगायत कर्मचारीहरु र धनकुटामा क्रियाशील अडिटरहरुको सहभागीता रहेको उक्त अन्तक्रिया कार्यक्रममा मिस म्याच छुट लगायत कर शिक्षाको बारेमा छलफल गरिएको थियो ।
आन्तरिक राजश्व कार्यालयले मिस म्याच भएका व्यापारीहरुलाई चैत्र मसान्तसम्म अवसर दिएकोले मिस म्याचमा परेका व्यवसायीहरुले उक्त अवधिमा कर दाता सेवा कार्यालय धनकुटामा आई मिलाउनका लागी गर्दै धनकुटा उद्योग बाणिज्य संघ अध्यक्ष विजयसन्तोषी राईले कर शिक्षा आवाश्यक रहेको वताउँनु भयो ।
कार्यक्रमको उदेश्यमाथि करदाता सेवा कार्यालय धनकुटाका प्रमुख भक्तराज निरौलाले प्रकाश पार्नु भएको थियो । कार्यक्रममा धनकुटा उद्योग बाणिज्य संघको तर्फबाट वरिष्ट उपाध्यक्ष तारा तितुङ्ग, महिला उपाध्यक्ष निर्मला राई श्रेष्ठ, सचिव श्रीराम रायमाझी, कार्यकारी सदस्यहरु रिदम श्रेष्ठ, दिजेश शाक्य, कर्मचारी मातृका राई, नवराज श्रेष्ठको सभागिता रहेको थियो ।
यसैगरी अडिटरहरु देवेन्द्र पौडेल, रत्नबहादुर जिमि, लोकेन्द्र कुवँर, नगेन्द्र प्रसाद लुईटेल, त्रिविक्रम दाहाल, चिरञ्जीवि श्रेष्ठ, कोलेनिकाका चिरञ्जिवि पाण्डे, करदाता सेवा कार्यालय धनकुटाका अनुजा पराजुली, कर सहयोगी प्रकाश गोतामे, मनोज पौडेल, लगायतले मिस म्याच लगायत कर नितिको वारेमा आ-आफ्नो धारणा राख्नु भएको थियो ।
कर शिक्षाको अभावमा धनकुटाका उद्योगी व्यापारीहरु मिस म्याचमा परी ठूलो समस्यामा परिरहेको अवस्थामा चैत्र मसान्तसम्म मिस म्याच मिलाउन आन्तरीक राजश्व विभागले अवसर दिएकोले मिस म्याचमा परेको सवै व्यवसायीहरुले सो अवसरलाई उपयोग गर्नुका लागी धनकुटा उद्योग बाणिज्य संघका अध्यक्ष विजय सन्तोषी राईले आग्रह गर्नुभयो ।