धनकुटा l धनकुटा-१ हिलेबाट नेकपा एमाले परित्याग गरी दर्जनौं नेता/कार्यकर्ताहरु कांग्रेसमा प्रवेश गरेका छन् ।
नेपाली कांग्रेस धनकुटाका जिल्ला सभापति दिनेश राई, जिल्ला सविच विजयसन्तोषी राई, जयन्द्र घिसिङ्ग, जिल्ला सदस्यहरु मनोज राई, बुद्धिकान्त घिमिरे, धनकुटा नगरसभापति नरेश श्रेष्ठ, उपसभापति अमित लो तामाङ, वडा नं. १ का उपसभापति हरिलाल तामाङ, महिला नेता गिता अधिकारी, वडा नं. २ का सभापति पदम भण्डारी, सचिव लेखनाथ रिजाल, तिलक कार्की लगायतले नवप्रवेशीहरुलाई टिका माला तथा खाँदा लगाई स्वागत गर्नु भएकोथियो ।
नेकपा एमाले परित्याग गरी नेपाली कांग्रेसमा प्रवेश गर्नुहुने धनकुटा-१ हिलेका नेताहरु किरण विक, विजय तामाङ, बालकृष्ण बुढाथोकी, सुशिला राई, निता राई, नारायण देवी कटुवाल, देवीमाया घिसिङ, गोमा थापा, नविन आर्चाय, रोशन दर्जी, हेमबहादुर कटुवाल लगायत दर्जनौं नेता तथा कार्यकर्ताहरु रहनु भएको छ ।
हिलेबाट यसअघि पनि पटक-पटक गरी नेकपा एमाले लगायत विभिन्न पार्टीहरु परित्याग गरी ३ सय २४ जना नेपाली कांग्रेसमा प्रवेश गरी सक्नु भएको नेपाली कांग्रेस हिलेका नेता तथा धनकुटा नगरका उपसभापतीि अमित लो तामाङ्गले वताउनु भयो ।
नवप्रवेशीहरुलाई स्वागत गर्दै नेपाली कांग्रेस धनकुटाका सभापति दिनेश राईले यस पटक धनकुटाको हिले परिर्वतनको पक्षमा उभिएकोले कांग्रेसको जीत हुने दावी गर्नुभयो । नेपाली कांग्रेसको पक्षमा जनलहर बढ्दै गएकाले कांग्रेसकाे जीत हुने उहाँको भनाई छ ।