धनकुटा । नेपाल शिक्षक संघ धनकुटाको ९ औं जिल्ला अधिवेशनबाट थिरेन्द्रबहादुर लिम्बु पून: जिल्ला अध्यक्षमा निर्विरोध निर्वाचित हुनु भएको छ ।
उक्त अधिवेशनबाट नेपाल शिक्षक संघ धनकुटाको जिल्ला महिला उपाध्यक्षमा शोभा वराल, खुल्ला उपाध्यक्षमा टिकाराम श्रेष्ठ, सचिव रोहीणी पाण्डे, सचिव अर्थ भोलानाथ भट्टराई, सहसचिव पाँच जनामा क्रमश: रमेश पौडेल, बिमलासन्तोषी राई, सन्तोष पौडेल, वीरवहादुर वाजी र चन्द्रला धमला निर्विरोध निर्वाचित हुनु भएको निर्वाचन समितिका संयोजक घनेन्द्र सुब्बाले वताउँनु भयो ।
यसैगरी सदस्यहरुमा क्रमश सिर्जना लिम्बु, इन्दिरा भट्टराई, लुना शाक्य, लोकमणी घिमिरे, गोपाल कार्की, विजय अधिकारी र श्याम सुवेदी रहनु भएको छ ।
प्रदेश महाधिवेशन प्रतिनिधिमा दिलकुमारी राई, मछिन्द्रबहादुर राई, कमला मादेन, विगेन्द्र याक्खा र निर वहादुर मगर निर्वाचन हुनु भएको निर्वाचन समितिका सदस्य हिम कर्ण दाहालले वताउँनु भयो ।
यसैगरी संघिय महाधिवेशन प्रतिनिधिहरुमा धनकुटा जिल्लाबाट गंगाराम ढुंगाना, रामकुमारी भण्डारी, बिनय राई र हरिप्रसाद दाहाललाई निर्विरोध निर्वाचित गरेको निर्वाचन समितिका सदस्य सारदा सन्तोषी राईले वताउनु भयो ।
नेपाल शिक्षक संघ धनकुटाको ९ औ जिल्ला अधिवेशनबाट निर्वाचित कार्य समिति, प्रदेश महाधिवेशन प्रतिनिधिहरु र संघीय महाधिवेशन प्रतिनिधिहरुलाई नेपाली कांग्रेस धनकुटाका जिल्ला सभापति दिनेश राई, नेपाली कांग्रेसका निर्वतमान आमन्त्रित केन्द्रिय सदस्य मनोहर नारायण श्रेष्ठ, नेपाल शिक्षक संघ महासंघका केन्द्रिय महासचिव लक्ष्मीकिशोर सुवेदी, नेपाली कांग्रेस धनकुटाका जिल्ला सचिव तथा संगठन विभाग प्रमुख विजय सन्तोषी राई, प्रदेश सभा निर्वाचन क्षेत्रीय कार्य समिति क्षेत्र नं. ख का सभापति राजन पौडेल, निर्वाचन समितिका संयोजक घनेन्द्र सुब्बा लगायतले टिका, माला,खादा,अविर लगाईदिदै प्रमाण पत्र वितरण समेत गर्नु भएको थियो ।
नेपाल शिक्षक संघ धनकुटाको जिल्ला अधिवेशनबाट निर्वाचित सवैलाई उहाँहरुले बधाई दिदै सफल कार्यकालको लागि शुभकामना समेत दिनु भएको थियो । नेपाली कांग्रेसका केन्द्रिय सह-महामन्त्री भीष्मराज आङदम्बेले शनिवार धनकुटामा नेपाल शिक्षक संघ धनकुटाको नौ औं जिल्ला अधिवेशनको भव्य रुपमा उद्घाटन गर्नु भएको थियो ।
नेपाल शिक्षक संघ धनकुटा अब नयाँ जोशका साथ अगाडि बढ्ने र शिक्षकहरुको पेशागत तथा भौतिक सुरक्षाको ग्यारेण्टी गर्न क्रियाशील हुने समेत नवनिर्वाचित अध्यक्ष लिम्बुले वताउनुभयो ।