धनकुटा । नेपाली कांग्रेस धनकुटाले संचालन गरेको घर-घर जाऔं, कांग्रेस जिताऔं एक महिने अभियानले जिल्लाभरिनै कांग्रेसको पक्षमा जनलहर उर्लिएको यस अभियानको मंगलबार समापन कार्यक्रममा नेता तथा कार्यकर्ताहरुले वताउँनु भएको छ ।
साँगुरीगढी गाउँपालिका वडा नं. १० बाट सुरु भएको नेपाली कांग्रेस धनकुटाले संचालन गरेको एक महिने घर-घर जाऔं, कांग्रेस जिताऔं अभियान अन्तर्गत धनकुटा जिल्लाको ६० वटै वडाहरु, सातवटै पालिकाहरु र टोल-टोलमा अभियान संचालन गरेको थियो ।
धनकुटामा आयोजना गरिएको पहिलो चरणको यस अभियानको समापन कार्यक्रममा नेपाली कांग्रेसका केन्द्रिय कार्य सम्पादन समितिका सदस्य तथा पूर्वमन्त्री सुनिलबहादुर थापाले धनकुटाका सवै स्थानीय तहमा नेकपा एमालेबाट विगतमा जितेका जनप्रतिनिधिहरुले जनताको चाहना र आवश्यक्ता अनुसार विकास गर्न नसकेकोले यस पटक कांग्रेसले जित्ने वताउनुभयो ।
नेपाली कांग्रेस केन्द्रिय निर्वाचन परिचालन समितिका सदस्य तथा धनकुटा जिल्लाका लागि यस अभियानका केन्द्रिय प्रतिनिधि रामहरि खतिवडाले दुई तिहाई हुँदा समेत नेकपा एमाले सरकार र संसद संचालन गर्न असफल भई सत्ताच्यूत भएकाले अव नेपाली मतदाताहरुले कांग्रेसलाई भोट लिएर जिताउनु वताउनुभयो ।
नेपाली कांग्रेसका पूर्वकेन्द्रिय आमन्त्रित सदस्य मनोहरनारायण श्रेष्ठले यस पटक नेपाली कांग्रेसले जित्ने व्यक्तिहरुलाई उम्मेदवार दिने वताउनुभयो ।
नेपाली धनकुटा जिल्लाका सभापति दिनेश राईको अध्यक्षतामा सम्पन्न भएको समापन कार्यक्रममा नेपाली कांग्रेस १ नम्वर प्रदेश कार्य समितिका सदस्य मिना तुम्बा, नेपाली कांग्रेस धनकुटाका उपसभापति निर्मलप्रसाद ओझा, जिल्ला सचिव विजय सन्तोषी राई, अर्का सचिव जयन्द्र घिसिङ्ग लगायतले एक महिना सम्म धनकुटामा संचालन भएको घर-घर जाऔं, कांग्रेस जिताऔं अभियानले धनकुटा जिल्लाभरिनै कांग्रेसको पक्षमा जनलहर ल्याएकोले निर्वाचन जित्ने दावी गर्नुभयो ।
कार्यक्रममा नेपाली कांग्रेसका प्रदेश कार्य समितिका सदस्यहरु नविनकिशोर शाक्य, गोविन्द्र लिम्बु, पूर्वसभापती अग्नीप्रसाद पौडेल, महासमिति सदस्यहरु आनन्द सन्तोषी राई, सिता प्रधान, सुमना तिम्सिना, महेन्द्र निरौला, जिल्ला उपसभापति सुनिलकुमार डंगोल, सहसचिव गिरिजाप्रसाद दाहाल, क्षेत्रिय सभापति प्रदेश सभा क का जितेन्द्र राई, ख का राजन पौडेल, धनकुटा नगर कार्य समितिका सभापति नरेश श्रेष्ठ, उपसभापति अमित लो तामाङ, महालक्ष्मी नगर कार्यसमितिका सभापति ध्रुवराज राय, सहिदभूमी गाउँपालिकाका सभापति टंक राई, छथरजोरपाटी गाउँपालिका सभापति छत्र सुब्बा, पाख्रिवास नगर कार्य समितिका सचिव विरवहादुर थापा, नेपाल प्रेस युनियन धनकुटाका अध्यक्ष हिमा चेम्जोङ, नेपाल महिला संघ धनकुटाका उपाध्यक्ष अम्विका धमला, नेपाल निर्माण व्यावसायी संघ धनकुटाका अध्यक्ष अर्जुन केसी, नेविसंघ धनकुटा वहुमुखी क्याम्पसका सभापति सुवास भण्डारी, नेपाल शिक्षक संघ धनकुटाका अध्यक्ष थिरेन्द्र सुब्बा लगायतले अभियान कांग्रेसजनमा उत्साह थपिएको वताउनुभयो ।
घर-घर जाऔं, कांग्रेस जिताऔं अभियानले धनकुटा जिल्लाभरिनै कांग्रेसलाई सक्रिय बनाउँदै सवै कांग्रेसजनमा नयाँ उत्साहका साथ जनलहर कांग्रेसको पक्षमा आएकोले धनकुटा जिल्लामा निर्वाचन जित्ने वातावरण बनेको जिल्ला सभापति दिनेश राईले बताउनुभयो ।
नेपाली कांग्रेस धनकुटाले संचालन गरेको घर-घर जाऔं, कांग्रेस जिताऔं अभियानमा धनकुटा जिल्लाभरिबाट नेकपा एमाले लगायत विभिन्न पार्टी परित्याग गरी १ हजार ३ सय ५६ जना नेपाली कांग्रेसमा प्रवेश गरेको जिल्ला सचिव विजय सन्तोषी राई वताउनुभयो ।
धनकुटा जिल्लाभरि पालिका, वडा र टोलस्तरसम्मको कार्यक्रमहरु यस अभियान अन्तर्गत धनकुटामा संचालन भएको र प्रत्येक मतदातासम्म पुग्न काग्रेसजन सफल भएकोले अभियान ज्यादै उपलब्धी पूर्ण भएको जिल्ला सचिव जयन्द्र घिसिङले वताउनुभयो ।
सोही समारोहमा नेपाल शिक्षक संघ धनकुटाको ९ औं जिल्ला अधिवेशनबाट निर्वाचित कार्य समिति र संघीय प्रतिनिधि तथा प्रदेश महाधिवेशन प्रतिनिधिहरुलाई नेपाली कांग्रेस धनकुटाले खाँदा माला तथा टिका लगाई दिई बधाई ज्ञापन गरेको थियो ।