धनकुटा । नेपाली कांग्रेस धनकुटाले स्थानीय तहको निर्वाचनका लागी उम्मेदवार छनौटको मापदण्ड तयार गरी टिकट वितरण गर्ने कार्य शुरु गरेको छ ।
नेपाली कांग्रेस धनकुटाका सभापति दिनेश राईको अध्यक्षतामा जिल्ला संसदीय समितिको पहिलो बैठकबसी स्थानीय तहमा लोकप्रिय रहेको, पार्टीमा निरन्तर क्रियाशील रहेको विकास प्रेमि सामाजिक व्यक्तित्व भएको निर्वाचन जित्न सक्ने स्वच्छ छवी भएको ईमानदार नेतालाई उम्मेदवार छनौवट गरी टिकट वितरण गर्ने माप दण्ड तयार गरि टिकट वितरण गर्न शुरु गरिएको नेपाली कांग्रेस धनकुटा जिल्ला संसदीय समितिका सचिव विजय सन्तोषी राईले वताउनुभयो ।
धनकुटा जिल्लाको सात वटा पालिकाका र ६० वडा वडाहरुका लागी वडा तथा पालिका र प्रदेशसभा निर्वाचन क्षेत्रीय समितिहरुबाट निर्णय गरेर सिफारिस भई आएका गाउँपालिका प्रमुख तथा उप-प्रमुखहरु र वडाध्यक्ष तथा सदस्यहरुका उम्मेदवारहरुको छानवीन गरी माप दण्ड अनुसार उम्मेदवार छनौट गरी टिकट वितरण गर्ने प्रक्रिया शुरु गरिएको नेपाली कांग्रस धनकुटाका जिल्ला उपसभापति तथा संसदीय समितिका सदस्य सुनिल कुमार डंगोलले वताउनुभयो ।
नेपाली कांग्रेसको विधानले दिएको अधिकार प्रयोग गर्दै धनकुटा जिल्लाको तीन पालिकाका अध्यक्ष तथा उपाध्यक्षहरु र ६० वटै वडाहरुको वडाध्यक्ष तथा सदस्यहरुको चार दिन भित्र उम्मेदवार छनौट गरी टिकट वितरण गर्ने र तीन वटा पालिकाहरुको मेयर तथा उपमेयरहरुको टिकटका लागी प्रदेश कार्य समितिमा सिफारिस गरी पठाइने जिल्ला सभापति दिनेश राईले वताउँनु भयो ।
नेपाली कांग्रेस धनकुटाको टिकट बाड्ने जिल्ला संसदीय समितिमा सभापति दिनेश राई, उपसभापतिहरु निर्मल प्रसाद ओझा, सुनिल कुमार डंगोल, सचिवहरु विजय सन्तोषी राई, जयन्द्र घिसिङ, सह-सचिवहरु रोशन श्रेष्ठ, गिरिजाप्रसाद दाहाल र प्रवक्ता खगेन्द्र प्रसाद घिमिरे, सदस्यहरु कमोटकुमार फागो, अम्विका परियार, प्रितिमान वान्तवा, इन्द्रिरा कटुवाल थापा रहनु भएको छ । भने आमन्त्रित सदस्यहरुमा प्रदेश कार्य समितिका सदस्य नविनकिशोर शाक्य, प्रदेशसभा क्षेत्रीय कार्य समितिका सभापतिहरु क्रमश: जितेन्द्र राई र राजन पौडेल रहनु भएकोछ ।
नेपाली कांग्रेस धनकुटा जिल्लाको उम्मेदवार छनौट गरी टिकट बाँड्ने संसदीय समितिको दैनिक बैठक वसी चार दिन भित्रमा विधानले दिएको अधिकार प्रयोग गर
मापदण्ड अनुसार धनकुटा जिल्लाको स्थानीय तहको उम्मेदवार छनौट गरि वितरण गर्ने र प्रदेश कार्य समितिमा मेयर र उपमेयरको सिफारिस गरी सक्ने जिल्ला संसदीय समितिका सचिव विजय सन्तोषी राईले वताउनु भयो ।