धनकुटा l धनकुटा कांग्रेसले टिकट वितरण र उम्मेदवार सिफारिस गर्न धनकुटा नगरपालिका, पाख्रिवास र महालक्ष्मी नगरपालिकाबाट शुरु गरेको छ ।
नेपाली कांग्रेसको विधानले दिएको अधिकार प्रयोग गर्दै नेपाली कांग्रेस धनकुटा जिल्ला संसदीय समितिले नगरपालिकाको मेयर र उपमेयरको उम्मेदवार चयन गर्न जिल्लाको राम सुझाव सहित १ नम्वर कार्य समितिमा पठाउन र वडाध्यक्ष तथा वडा सदस्यहरुको उम्मेदवार छनौट गरी टिकट वितरण गर्नका लागी धनकुटा जिल्लाको तीन वटा नगरपालिकाहहरुको फायल खोली छलफल अगाडि बढाउँदै सिफारिस गर्ने कार्य गरेको छ ।
नेपाली कांग्रेस धनकुटा जिल्ला संसदीय समितिका सभापति दिनेश राईका अध्यक्षतामा भएको बैठकमा महालक्ष्मी नगरपालिकाका संयोजक तथा उपसभापति निर्मलप्रसाद ओझा,जिल्ला उपसभापति तथा पाख्रिवास नगरपालिकाका संयोजक सुनिलकुमार डंगोल, जिल्ला सचिव तथा धनकुटा नगरपालिकाका संयोजक विजयसन्तोषी राईले आ-आफ्ना नगरपालिकाको उम्मेदवार छनौट तथा सिफारिसका लागि उम्मेदवाहरुको वितरण प्रस्तुत गर्नु भएको थियो ।
नेपाली कांग्रेस धनकुटाको टिकट बाँड्ने जिल्ला संसदीय समितिमा सभापति दिनेश राई, उपसभापतिहरु निर्मलप्रसाद ओझा, सुनिल कुमार डंगोल, सचिवहरु विजय सन्तोषी राई, जयन्द्र घिसिङ, सहसचिवहरु रोशन श्रेष्ठ, गिरिजाप्रसाद दाहाल र प्रवक्ता खगेन्द्र प्रसाद घिमिरे, सदस्यहरु कमोट कुमार फागो, अम्विका परियार, प्रितिमान वान्तवा, इन्द्रिरा कटुवाल थापा, आमन्त्रित सदस्यहरुमा प्रदेश कार्य समितिका सदस्य नविन किशोर शाक्य, प्रदेश सभा निर्वाचन क्षेत्रीय सभापतिहरु जितेन्द्र राई, राजन पौडेल लगायतले टिकट वितरणका लागि आफ्नो धारणा राख्नु भएको थियो ।
नेपाली कांग्रेसको तर्फबाट धनकुटा जिल्लाका स्थानीय तहको उम्मेदवारहरुको छनौट तीन भित्र तय गरी सकिने जिल्ला सभापति दिनेश राईले बताउनुभयो । सभापति राईले गठबन्धनको समेत अन्तिम निर्णयमा पुग्न लागेको समेत जानकारी दिनुभयो ।
नेकपा एमालेलाई धनकुटा जिल्लामा हराउनका लागि सत्ता गठबन्धन दलहरु विच गठबन्धन गरी निर्वाचनमा जाने भएकोले गठबन्धनका लागी हदैसम्मको लचकता अपनाइने समेत नेपाली कांग्रेस धनकुटाका जिल्ला सचिव विजयसन्तोषी राईले वताउँनुभयो ।
नेपाली कांग्रेस धनकुटा जिल्ला समितिबाट पालिकाको संयोजकको जिम्मेवारी पाउनु भएका पालिका संयोजकहरुले वडा, पालिका तथा प्रदेश सभा क्षेत्रीय निर्वाचन समितिहरुबाट निर्णय भई सिफारिस भएका उम्मेदवारहरुको सटिङ्ग गर्ने कार्य धमाधम भइरहेको जिल्ला सचिव तथा संगठन विभाग प्रमुख विजय सन्तोषी राईले वताउँनुभयो ।
सत्ता गठवन्धन दलहरुले धनकुटाको सवै स्थानीय तहहरुमा एमाललेलाई परास्त गर्ने निश्चित भएको समेत जिल्ला सचिव विजयसन्तोषी राईले वताउनुभयो । धनकुटा जिल्लाका नगरपालिकाकाहरुको उम्मेदवार छनौट तथा सिफारिस गरी सकेपछि पालिकाहरुको उम्मेदवार छनौट हुने धनकुटा कांग्रेसका उपसभापति सुनिलकुमार डंगोलले बताउनुभयो ।
नेपाली कांग्रेसको विधानले गाउँपालिका अध्यक्ष तथा उपाध्यक्षहरु र वडाध्यक्षहरु तथा वडा सदस्यहरुको उम्मेदवारहरुको टिकट जिल्ला समितिले दिने र नगरपालिकाहरुको मेयर र उपमेयरहरुको टिकट प्रदेश कार्य समितिले दिने व्यवस्था रहेको जिल्ला सहसचिव गिरिजा प्रसाद दाहालले वताउँनुभयो । धनकुटा जिल्लाका स्थानीयतहहरुमा कांग्रेसको तर्फबाट कसकस्ले टिकट पाउने यतिबेला सवैको ध्यान जिल्ला संसदीय समिति तर्फ गएको छ ।