धनकुटा । धनकुटामा लोकतान्त्रिक गठबन्धनका उम्मेदवाहरु र नेताहरुले सहिद भीमनाराण श्रेष्ठको सालिकमा माल्यापर्ण गरी निर्वाचन प्रचार अभियान शुरु गरेका छन् ।
धनकुटा नगरपालिका वडा नं. ६ को सहिद भीमनारायण श्रेष्ठ चोकमा सहिद भीमनारायण श्रेष्ठको सालिकमा सहिद भीमनारायण श्रेष्ठका सुपुत्र नेपाली कांग्रेसका पूर्वकेन्द्रिय सदस्य मनोहर नारायण श्रेष्ठ, धनकुटा नगरपालिकाका मेयरका उम्मेदवार तथा जिल्ला सभापति दिनेश राईले माल्यापर्ण गरी संयुक्त गठबन्धनको चुनावी अभियानको प्रारम्भ भएको घोषणा गर्दै उद्घाटन गर्नुभयो ।
सो अवसरमा गठबन्धनको तर्फबाट धनकुटा नगरपालिकाका उपमेयरका उम्मेदवार तथा नेकपा माओवादी केन्द्रका प्रदेश कमिटी सदस्य गणेश विष्ट, नेपाली कांग्रेस प्रदेश समितिका सदस्य नविनकिशोर शाक्य, नेपाली कांग्रेस धनकुटाका जिल्ला सचिव तथा धनकुटा नगरपालिकाका संयोजक विजय सन्तोषी राई, नेपाली कांग्रेस धनकुटा नगर समितिका सभापति नरेश श्रेष्ठ, महाधिवेशन प्रतिनिधि प्रकाश राई, नेकपा माआवादी केन्द्रका नेताहरु विष्णुमाया कन्दङ्गवा, सर्मिला राई, नेपाली कांग्रेसका जिल्ला सदस्य रेणु श्रेष्ठ, पुरेन्द्रलाल श्रेष्ठ, वडा नं. ६ का वडाध्यक्षका उम्मेदवार मिलनकुमार खड्गी, सदस्यहरुका उम्मेदवाहरु पुरुषोत्तम अर्याल, कुशुमकुमारी श्रेष्ठ जोशी, मनु कुमारी राई, रेजिना हिङमाङ उम्मेदवार लगायतका नेता तथा कार्यकर्ताहरु समेत सहिद भीमनारायण श्रेष्ठको सालिकमा माल्यापर्ण गरी सहिदको सपना साकार पार्न लोकतान्त्रिक गठबन्धनलाई जिताउन सक्रिय हुने प्रतिवद्धता व्यक्त गर्नुभएको थियो ।
यसैगरी धनकुटा नगरपालिका वडा नं. १ को प्रचार समितिको कार्यालय उद्घाटन कार्यक्रममा वडाध्यक्षका उम्मेदवार अमित लो तामाङ, सदस्यहरुको उम्मेदवारहरु खगेन्द्र विष्ट, मनकला लिम्बु, लिला मगर, चम्फा विक लगायतले समेत आ-आफ्नो धारणा राख्नु भएको थियो ।
कार्यक्रम वडा नं. १ का सभापति विरवहादुर तामाङको अध्यक्षतामा सम्प्नन भएको थियो । नेपाली कांग्रेस धनकुटाका सभापति तथा धनकुटा नगरपालिकाका मेयरका उम्मेदवार दिनेश राईलाई धनकुटा नगरमा एमालले पटक-पटक विगतमा जिते पनि सहिदको सम्मान गर्न नसकेको र धनकुटाको समग्र विकास समेत गर्न नसकेकोले सहिदहरुको सम्मान र धनकुटाको विकास र समृद्धीको लागी नेपाली कांग्रेसलाई यस पटक मतदान गरी विजयी गराउन सवैमा अपिल गर्नुभयो ।
सहिद भीमनारायण श्रेष्ठको सालिकमा माल्यापर्ण गरी प्रारम्भ भएको धनकुटामा निर्वाचन प्रचार अभियान अन्र्तगत आजै धनकुटा नगरपालिका वडा नं. १, ं.५ ,६,८ को निर्वाचन परिचालन समितिको कार्यालय समेत वडा-वडामा गएर मेयरका उम्मेदवार तथा नेपाली कांग्रेस धनकुटाका जिल्ला सभापति दिनेश राईले उद्घाटन गर्नुभयो ।
