धनकुटा l धनकुटा नगरपालिकाको वडा नं. १ हिलेमा घरदैलो तथा कोणसभा गर्दै चुनावी अभियानलाई तिव्र बनाएको छ ।
धनकुटाको हिलेबजार हुँदै सिजाली, मगर टोल, राना टोल र राई टोलसम्म घर दैलो गरी चुनावी सभा लोकतान्त्रिक गठबन्धनले गरेको थियो ।
कार्यक्रममा गठबन्धनको तर्फबाट मेयरका उम्मेदवार तथा नेपाली कांग्रेस धनकुटाका सभापती दिनेश राईले हिलेको परिर्वतनको लागी गठबन्धनलाई भोट दिन आग्रह गर्दै पाँच बर्ष भित्र हिलेको समग्र विकास गरेर देखाउने वताउँनुभयो ।
यसैगरी उपमेयरका उम्मेदवार गणेश विष्टले हिलेको खानेपानी समस्या समाधान गर्ने र सवै युवाहरुलाई रोजगार तथा स्वरोजगार बनाउनका लागी लोकतान्त्रिक गठबन्धनलाई जिताउन आग्रह गर्नुभयो ।
नेपाली कांग्रेस धनकुटाका सचिव तथा धनकुटा नगरका संयोजक विजय सन्तोषी राईले युवाले रोजेको, माटोले मागेको र धनकुटा नगरपालिकाले चाहेको मेयरमा दिनेश राई, उपमेयरमा गणेश विष्ट र वडा नं. १ का वडाध्यक्षमा अमित लो तामाङको टीमलाई भोट दिएर जिताउन अपिल गर्नुभयो ।
नेपाली कांग्रेस वडा नं. १ का सभापति तथा निर्वाचन परिचालन समितिका संयोजक बीरबहादुर तामाङको अध्यक्षमा भएको चुनावी कार्यक्रममा नेकपा एकिृत समाजवादी धनकुटाका अध्यक्ष अर्जुन राई, राप्रपा नेपालका केन्द्रिय उपाध्यक्ष लाक्पा तामाङ, धनकुटा नगरपालिका वडा नं. १ का वडाध्यक्षका उम्मेदवार अमित लो तामाङ, वरिष्ठ समाजसेवी चन्द्र विष्ट लगायतका नेता तथा उम्मेदवारहरुले विगतमा हिलेको समग्र विकास नभएकोले हिलेको विकासका लागी लोकतान्त्रिक गठबन्धनलाई भोट दिएर जिताउन आग्रह गर्नुभयो ।
सो अवसरमा वडा सदस्यहरुका उम्मेदवारहरु मनकला लिम्बु, चम्पा वि.क, लिला मगर, खगेन्द्र विष्ट समेतले भोट लिएर जिताउन आग्रह गर्नुभयो । सो अवसरमा गठबन्धनका हजारौ नेता तथा कार्यकर्ताहरुको सहभागीता रहेको थियो ।