धनकुटा । सहिदभूमि गाउँपालिका वडा नं. १ (साविक छिन्ताङ्ग गा.वि.स. वडा नं. ९) स्थित सफाईधापमा २०२५ सालमा जन्मिएका जित बहादुर राई अर्थात जेबी राई, पञ्चायती व्यवस्था फालेर २०४६ सालमा बहुदल ल्याउन भएको जनआन्दोलनमा सशक्त रुपले धनकुटाबाट युवाहरुको नेतृत्व गरेका व्यक्ति हुन् ।
एकता पश्चात २०४७ सालमा बनेको एमालेको संगठन विकास तथा विस्तार गर्नका लागि धनकुटा जिल्लामा महत्वपूर्ण जिम्मेवारी निर्वाह गरेका थिए । लामो समय जिल्ला कमिटिमा रहेका उनि पार्टी फुट पश्चात हाल नेकपा एकिकृत समाजवादीका प्रदेश कमिटी सदस्य रहेका छन् ।
उनले २०४९ पश्चात धनकुटा जिल्लामा विभिन्न विकास कार्यक्रमहरुसँग जोडिएर जनताको प्रत्यक्ष दुःख पिडा, पिरमर्का बुझ्ने मौका पाए सोही अनुसार उनिहरुको जिवनस्तर र चेतनास्तर उकास्न आयआर्जनका कार्यक्रम, सचेतना तथा सशक्तिकरणका कार्यक्रमहरु संचालन गरि जनताको मन जित्न सफल भएका हुन् ।
यसै गरि जनयुद्धको चरम उत्कर्षका समय अर्थात २०६१ साल तिर समेत समुदाय सहयोग कार्यक्रम(ऋक्ए मार्फत धनकुटा जिल्लाको अधिकांश तत्कालिन गा.वि.स.हरुमा स्वास्थ्य केन्द्र, खानेपानी तथा सिँचाई, विद्यालय भवन आदि निर्माण गरिदिएका थिए । जुन कार्यक्रम समुदायमाझ निकै लोकप्रिय र प्रभावकारी भएको थियो ।
यसै गरि महिलाहरुलाई समुहमा आबद्ध गरि गरिबी न्यूनिकरणका लागि विभिन्न आयआर्जनका क्रियाकलापहरुमा सहभागी गराएका
थिए । उनकै पहलमा धनुकटा जिल्लालाई खुल्ला दिशा मुक्त बनाउन एक घर एक चर्पी अभियान संचालन भएको थियो । सरल, इमान्दार र बोलेका कुरा पुरा गर्ने उनको परिचय हो ।
संस्थाको व्यवस्थापन र परियोजना कार्यान्वयन गरि उत्कृष्ट नतिजा ल्याउने वहाको क्षमता छ, आखिँसल्लाका राजेन्द्र दर्जी भन्नु हुन्छ, “लामो प्रतिक्षा पश्चात हामीले खोजेको व्यक्ति उम्मेदवारको रुपमा आउनु भएको छ, वहालाई स्वस्फुर्त रुपले जनताले मतदान गरि जिताउँछन् यस पटक पार्टी होईन व्यक्ति हेर्नुपर्छ ।”
