धनकुटा l नेपाली कांग्रेस धनकुटाले स्थानीय तहको निर्वाचनमा विजयी हुनु भएको जनप्रतिनिधिरुलाई बधाई ज्ञापन गर्दै मतदाताहरुलाई धन्यवाद ज्ञापन गरेको छ ।
नेपाली कांग्रेस धनकुटाका जिल्ला सभापति दिनेश राईको अध्यक्षमा सम्पन्न पदाधिकारी तथा उपलब्ध सल्लाहकारहरुको बैठकले धनकुटा जिल्लामा स्थानीय तहको निर्वाचनमा गठबन्धनको तर्फबाट विजयी हुनु भएका जनप्रतिनिधिहरुलाई बधाई र मतदातहरुलाई धन्यवाद दिने निर्णय गरेको जिल्ला सचिव विजयसन्तोषी राईले बताउनुभयो ।
बैठकले नेपाली कांग्रेसको तर्फबाट बिजयी हुनु भएका पालिका प्रमुखहरुले पदवहाली गर्दा स्वास्थ्य बिमा दलित, अपाग, विपन्न र एकल महिलालाई नि:शुल्क गर्ने, जन्म दर्ता,विवाह दर्ता र मृत्यु दर्ता नि:शुल्क गर्ने र कर समायोजन गरी घटाउने लगायतका जनमुखी निर्णय गरी घोषणा गर्न निर्देशन दिने निर्णय गरेको छ ।
बैठकमा स्थानीय तहको निर्वाचनको प्रारम्भिक समिक्षका लागी छलफल समेत भएको थियो । सो अवसरमा नेपाली कांग्रेसका केन्द्रिय सदस्य पूर्वमन्त्रि सुनिलबहादुर थापा, पूर्वआमन्त्रित सदस्य मनोहर नारायण श्रेष्ठ, पूर्वसभापति हरि अधिकारी, उपसभापतिहरु निर्मल ओझा, सुनिल डंगोल, सचिवहरु विजय सन्तोषी राई, जयन्द्र घिसिङ, सहचिवहरु रोशन श्रेष्ठ, गिरिजा प्रसाद दाहाल, प्रवक्ता खगेन्द्र घिमिरे, सल्लाहकारहरु दिनेश अमात्य, विकास प्रधान लगायतले समेत निर्वाचित जनप्रतिनिधिहरुलाई बधाई ज्ञापन गर्दै मतदाताहरुलाई धन्यवाद ज्ञापन गर्नु भएको थियो ।
बैठकले गठबन्धनको तर्फबाट विजयी जनप्रतिनिधिहरुलाई बधाई ज्ञापन गर्न बधाई कार्यक्रम र स्थानीय तह सरकार संचालन सम्वन्धि अनुशिक्षण कार्यक्रम सेमत संचालन गर्ने निर्णय भएको जिल्ला सचिव विजय सन्तोषी र्राइले वताउनु भयो ।
धनकुटा जिल्लामा गठबन्धनको तर्फबाट पाख्रिवास नगरपालिकाको प्रमुखमा ज्ञान वहादुर गुरुङ, महालक्ष्मी नगरपालिकाको प्रमुखमा ध्र्रुव राज राया, साँगुरीगढी गाउँपालिकाको अध्यक्षमा जितेन्द्र राई, छथरजोरपाटी गाउँपालिकाको अध्यक्षमा छत्र सुब्बा र उपाध्यक्ष्मा गिता गुरुङ खेवा निर्वाचित हुनु भएको छ ।
यसैगरी धनकुटा नगरपालिकाको वडा नं. ३ मा विकास घिमिरे, वडा नं. ५ मा धन कुमार राई, वडा नं. ६ मा मिलन खड्गी, वडा नं. ७ मा रोशेष श्रेष्ठ र चौविसे गाउँपालिकाको वडा नं. १ मा दिपक कुमार श्रेष्ठ, वडा नं. ६ मा आषिश चेम्जोङ, वडा नं. ७ मा रुद्र चेम्जोङ वडाध्यक्षमा गठबन्धनको तर्फबाट निर्वाचित हुनु भएको छ ।
यस्तैगरी साँगुरीगढी गाउँपालिकाको वडा नं. २ मा योगेन्द्र ईवाहाङ, वडा नं. ३ मा टेक वहादुर लिम्बु, वडा नं ५ मा खड्ग लिम्बु, वडा नं. ६ मा यम प्रकाश लिम्बु र सहिदभूमी गाउँपालिकाको वडा नं. १ मा रमेश राई, वडा नं. ४ मा दौलत राई, वडा नं. ५ मा सन्तोष राई गठबन्धनको तर्फबाट निर्वाचित हुनु भएको छ ।
यसैगरी पाख्रिवास नगरपालिाको वडा नं. १ मा भोगेन्द्र पाण्डे, वडा नं. ४ मा सन्तोष मानन्धर, वडा नंं. ५ मा महेश राई, वडा नं. ६ मा देवेन्द्र गुरागाई, वडा नं. ८ मा गणेश राई र छथरजोरपाटी गाउपालिकाको वडा नं. १ मा गोविन्द्र लिम्बु, वडा नं.२ मा कृष्ण मगर, वडा नं. ५ मा डिक वहादुर लिम्बु र वडा नं. ६ मा दिपक मगर गठबन्धनको तर्फबाट निर्वाचित हुनु भएको छ ।
यसैगरी महालक्ष्मी नगरपालिकका वडा नं. २ मा पदम रखाल, वडा नं. ३ मा रामचन्द्र थापा, वडा नं. ५ मा शान्त वहादुर कुँवर, वडा नं. ६ मा शिव विक, वडा नं. ७ मा नेत्रबहादुर अधिकारी गठबन्धनको तर्फबाट निर्वाचित हुनु भएको नेपाली कांग्रेसका जिल्ला सचिव विजय सन्तोषी राईले वताउनुभयो ।
धनकुटा नगरपालिकामा ५१ जना नगर परिषद सदस्य मध्ये गठबन्धनले २६ जना, पाख्रिवास नगरपालिकामा ५२ जना मध्य २३ जना, महालक्ष्मी नगरपालिकामा ४७ जना मध्य २४ जना, साँगुरीगढी गाउँपालिकामा ५२ जना मध्ये २३ जना, चौविसे गाउँपालिकामा ४२ जना मध्यक्ष १४ जना, सहिदभूमी गाउँपालिकामा ३७ जना मध्ये ११ जना र छथरजोरपाटी गाउँपपालिकामा ३२ जना मध्ये २१ जना परिषद सदस्य निर्वाचित भएको नेपाली कांग्रेस धनकुटाले जनाएको छ ।
