धनकुटा l गत वैशाख ३० गते सम्पन्न स्थानीय तह निर्वाचनमा सात तहमध्ये चार स्थानीय तहमा गठवन्धन र तीन स्थानीय तहमा नेकपा एमाले विजयी भएका छन् । हालसम्म सबै स्थानीय तहको नतिजा सार्वजनिक भइसकेको छ । गठवन्धनले पाख्रिवास नगरपालिका, महालक्ष्मी नगरपालिका, साँगुरीगढी गाउँपालिका र छथरजोरपाटी गाउँपालिकामा जित हासिल गर्यो भने नेकपा एमालेले धनकुटा नगरपालिका सहित चौविसे र सहिदभूमि गाउँपालिकामा जित हासिल गर्यो ।
पाख्रिवास नगरपालिकाको प्रमुखमा गठवन्धनको तर्फबाट उम्मेदवार वनेका नेपाली कांग्रेसका ज्ञानबहादुर गुरुङ निर्वाचित भएका छन् । उनले निकटम प्रतिद्वन्द्वी नेकपा एमालेका भीम राईलाई पराजित गरे । मेयरमा विजयी गुरुङले ५ हजार ४९८ मत प्राप्त गर्दा एमालेका भिम राइले ५ हजार ५३ मत प्राप्त गरे । उपप्रमुखमा एमाले कि नम्रता देउजाले बाजी मारिन् । देउजाले ५ हजार ६२ मत प्राप्त गर्दा गठबन्धनका उम्मेदवार माओवादीका ओमप्रकाश निरौलाले ४ हजार ६४१ मत प्राप्त गरे । पाख्रिवास नगरपालिकाको वडा नं. २, ३, ७, ९ र १० वडा नेकपा एमाले र वडा नं. १, ४, ५, ६ र ८ नं. वडामा गठवन्धनका उम्मेदवार विजयी भए ।
महालक्ष्मी नगरपालिकाको प्रमुखमा गठवन्धनका ध्रुवराज राय निर्चाचित भएका छन् । रायाले नेकपा एमालेबाट उम्मेदवार वनेका दिपक वुढाथोकीलाई १ हजार ३५ मतको फराकिलो अन्तरले पराजित गरेका थिए । विजयी रायले ५ हजार ८ सय ७ र पराजित वुढाथोकीले ४ हजार ७ सय ७२ मत प्राप्त गरे । त्यस्तै उपमेयरमा गठवन्धनको उम्मेदवार प्रेम खड्कालाई ६ सय ७५ मतले पराजित नेकपा एमालेकी मञ्जुकुमारी अधिकारी विजयी भइन् । उनले ५ हजार १ सय ६ मत प्राप्त गरिन् । भने उनका निकटम प्रतिद्वन्द्वी खड्काले ४ हजार ४ सय ३१ मत प्राप्त गरे । त्यस्तै महालक्ष्मी नगरपालिकाको वडा नं. १, ४, ८, ९ वडा नेकपा एमाले र वडा नं. २, ३, ५, ६, ७ वडा गठवन्धनका उम्मेदवार विजयी भए ।
नेकपा एमालेका उम्मेदवार चिन्तत तामाङ धनकुटा नगरपालिका प्रमुखमा निर्वाचित भएका छन् । उनले निकटम प्रतिद्वन्द्वी गठवन्धनको तर्फबाट उम्मेदवार वनेका नेपाली कांग्रेसका दिनेश राईलाई १४ मतको झिनो अन्तरले पराजित गर्दै तामाङ नगरप्रमुखमा निर्वाचित भएका छन् । तामाङले ७ हजार ६ सय ६६ र पराजित राईले ७ हजार ६ सय ५२ मत प्राप्त गरे । त्यस्तै उपमेयरमा नेकपा एमालेकै भीम देवी खनाल निर्वाचित भइन् । उनले गठवन्धनको तर्फबाट उम्मेदवार वनेका नेकपा माओवादी केन्द्रका गणेश बहादुर विष्टलाई ४ सय ८७ मतले पराजित गरिन् । उपमेयरमा निर्वाचित खनालले ७ हजार १ सय ९६ र विष्टले ६ हजार ६ सय २९ मत प्राप्त गरे । धनकुटाको वडा नं. ३, ५, ६, ७ र १० वडा गठवन्धनले र वडा नं. १, २, ५, ८ र ९ वडामा नेकपा एमालेका उम्मेदवार विजयी भए ।
यस्तै सहिदभूमि गाउँपालिमा पनि नेकपा एमालेका उम्मेदवारले विजय हासिल गरेको छ । निवर्तमान अध्यक्ष समेत रहेका नेकपा एमालेका मनोज राईले गठवन्धनको तर्फबाट उम्मेदवार वनेका नेकपा एकिकृत समाजवादीका जीतवहादुर राईलाई १ सय ८७ मतान्तरले पराजित गर्दै अध्यक्षमा पूनः निर्वाचित भएका हुन् । विजयी मनोज राईले ४ हजार २ सय १४ र उनका निकटम प्रतिद्वन्द्वी जीतवहादुरले ४ सय २७ ले प्राप्त गरे । त्यस्तै सोही गाउँपालिकाको पूनः उपाध्यक्षमा निवर्तमान उपाध्यक्ष समेत रहेकी नेकपा एमालेकी रत्नेश्वरी राई निर्वाचित भइन् । उनले गठवन्धनको तर्फबाट उम्मेदवार वनेका नेपाली कांग्रेसका तोर्णबहादुर खड्कालाई १ हजार ३ सय १ मतले पराजित गरिन् । उपाध्यक्षमा विजयी राईले ४ हजार ६ सय २२ र उनका निकटम प्रतिद्वन्द्वी खड्काले ३ हजार ३ सय ७१ मत प्राप्त गरे । सो गाउँपालिकाको वडा नं १, ४ र ५ गठवन्धनले र २, ३, ६ र ७ वडा नेकपा एमालेका उम्मेदवार विजयी भए ।
साँगुरीगढी गाउँपालिकाको अध्यक्षमा सत्ता गठवन्धनकोतर्फबाट उम्मेदवार वनेका नेपाली कांग्रेसका जीतेन्द्र राई विजयी भए । उनले निकटम प्रतिद्वन्द्वी नेकपा एमालेका कुमार जंग याखालाई ५ सय ७१ मतले पराजित गरे । अन्तिम मत परिणाम अनुसार अध्यक्षमा विजय भएका राईले ५ हजार ३ सय ९९ र उनका प्रतिद्वन्द्वी याखाले ४ हजार ८ सय २८ मत प्राप्त गरेका थिए । अघिल्लो २०७४ सालको स्थानीय तह निर्वाचनमा पनि यी दुई उम्मेदवार विच प्रतिस्पर्धा भएको थियो । जसमा एमालेका कुमार जंग याखाले ११ सय १६ मत बढी ल्याएर वाजी मारेका थिए । त्यति बेला याखाले ४ हजार ४ सय ४९ र जितेन्द्र राईले ३ हजार ३ सय ३३ मत ल्याएका थिए । यो चुनावमा भने यी दुई वीचको मतान्तर ५ सय ७१ हुन पुग्यो । जसमा कांग्रेसका राईले बाजी मार्न सफल भए ।गाउँपालिकाको उपाध्यक्षमा नेकपा एमालेको उम्मेदवार मुना राई विजयी भइन् । उनले गठवन्धनको तर्फबाट उ्रम्मेदवार वनेका जसपाका लिलाराज लावतीलाई ५ सय १५ मतले पराजित गरिन् । विजयी राईले ४ हजार ६ सय ५० र लावतीले ४ हजार १ सय ३६ प्राप्त गरे ।
साँगुरीगढी गाउँपालिकाको कुल १० वडामध्ये ६ वडामा नेकपा एमाले र ४ वडामा गठवन्धनका उम्मेदवार विजयी वने । नेकपा एमालेको तर्फबाट वडाध्यक्षको उम्मेदवार वनेका वडा नं. १ मा गोविन्द लिम्बू, वडा नं. ४ मा जीवनकुमार लिम्बू, वडा नं. ७ मा पूर्णप्रसाद राई, वडा नंं ८ मा हृदयनारायण राई, वडा नं. ९ मा जीतवहादुर राई र वडा नं. १० मा एकबहादुर राई विजयी भए । त्यस्तै गठवन्धनबाट वडाध्यक्षको उम्मेदवार वनेका २ नं. वडामा योगेन्द्रबहादुर इङ्नाम (लिम्बू), वडा नं. ३ मा टेकप्रसाद लिम्बू, वडा नं ५ मा खड्गबहादुर लिम्बू र वडा नं. ६ मा यमप्रकाश मगर विजयी भए ।
यसैगरी चौविसे गाउँपालिकाको अध्यक्ष र उपाध्यक्षमा नेकपा एमालेको उम्मेदवार विजयी भएका छन् । अध्यक्षमा गठवन्धनका उम्मेदवार दलवहादुर मगरलाई १ हजार ४७ मतले पराजित गर्दै एमालेका उम्मेदवार राजकुमार लिम्बू विजयी भए । उनले ५ हजार ३५ र मगरले ३ हजार ९ सय ९१ मत प्राप्त गरे । त्यस्तै उपाध्यक्षमा नेकपा एमालेकी उम्मेदवार टंक माया पाङ्मी मगरले मगर गठवन्धनका मंगलकुमार लिम्बूलाई ९ सय ९५ मत पराजित गर्दै विजयी भइन् । विजयी मगरले ४ हजार ९ सय ८३ र पराजित लिम्बूले ३ हजार ९ सय ८८ मत प्राप्त गरे । गाउँपालिकाको वडामा पनि नेकपा एमालेकै वर्चश्व भएको छ । नेकपा एमालेको तर्फवाट वडाध्यक्षम उम्मेदवार वनेका वडा नं. २ मा एनोज तुम्सा, वडा नं. ३ मा मदन तुम्सा, वडा नं. ४ मा लोकेन्द्र मगर, वडा नं. ५ मा आशिष लिम्बु, वडा न.. ८ मा धनकुमार लिम्बु विजयी भए । त्यस्तै गठवन्धनको तर्फबाट वडाध्यक्षमा उम्मेदवार वनेका वडा नं. १ मा दिपकुमार श्रेष्ठ, वडा नं. ६ मा आशिष लिम्बू र वडा नं. ७ मा रुद्रप्रसाद चेम्जोङ्ग (लिम्बू), विजयी भए ।
यस्तै छथरजोरपाटी गाउँपालिकाको अध्यक्ष÷उपाध्यक्ष सहित अधिकांश वडामा गठवन्धनका उम्मेदवारहरु विजयी भएका छन् । गाउँपालिकाको उपाध्यक्षमा गठवन्धनको तर्फबाट उम्मेदवार वनेका नेपाली कांग्रेसका छत्रबहादुर सुब्बा विजयी भए । उनले गाउँपालिकाको निवर्तमान अध्यक्ष समेत रहेका नेकपा एमालेका उम्मेदवार शेरबहादुर लिम्बूलाई १ सय ९५ मतले पराजित गरे । विजयी सुब्बाले ४ हजार ३ सय ५९ मत र पराजित लिम्बूले ४ हजार १ सय ६४ मत प्राप्त गरे । त्यस्तै गाउँपालिकाको उपाध्यक्षमा गठवन्धनको तर्फबाट उम्मेदवार नेकपा माओवादी केन्द्रकी गिता खेवा गुरुङ विजयी भइन् । उनले नेकपा एमालेकी उम्मेदवार गोमा कार्की दाहाललाई ६ सय ९६ मतले पराजित गरिन् । गुरुङले ४ हजार ३ सय ८७ र पराजित कार्कीले ३ हजार ६ सय ९१ मत प्राप्त गरिन् । उपाध्यक्षमा विजयी गुरुङ नेकपा माओवादी केन्द्रका नेता तथा पूर्वअर्थराज्य मन्त्री स्वर्गीय हरिराज खेवाको श्रीमति समेत हुन् । गत २०७४ सालको स्थानीय तह निर्वाचनमा माओवादीको तर्फबाट गाउँपालिकाको उपाध्यक्षको उम्मेदवार वनेकी उनी नेकपा एमालेकी उम्मेदवार भीमकला श्रेष्ठसँग १ हजार २ सय १६ मतले पराजित भएकी थिइन् । त्यो वेला गुरुङले २ हजार ७३ र श्रेष्ठले ३ हजार २ सय ८९ मत प्राप्त गरेका थिए ।
गाउँपालिकाको वडाहरुमा गठवन्धनको वर्चश्व रह्यो । ६ वडामध्ये गठवन्धनले ४ वडामा जित हासिल गर्दा नेकपा एमालले २ वडामा मात्रै विजयी हासिल गर्न सफल भयो । अघिल्लो स्थानीय तह निर्वाचनमा नेकपा एमालेले ६ मध्ये ५ वडा जितेको थियो । गठवन्धनको तर्फबाट वडाध्यक्षमा उम्मेदवार वनेका वडा नं १ मा गोविन्द लिम्बू, वडा नं. २ मा कृष्णसारु मगर, वडा नं. ५ मा डिकबहादुर लिम्बू, वडा नं. ६ मा दिपक गुरुङ विजयी भए । त्यस्तै नेकपा एमालेको तर्फबाट उम्मेदवार वनेका वडा नं. ३ मा ज्ञानबहादुर लिम्बू, वडा नं ४ मा टेकबहादुर तामाङले मात्रै जित हासिल गरे ।
