धनकुटा l धनकुटा नगरपालिकामा गठबन्धनको तर्फबाट निर्वाचित वडाध्यक्ष र वडा सदस्यहरुका लागी नेपाली कांग्रेसले कार्यपालिका निर्वाचन सम्वन्धि अनुशिक्षण कार्यक्रमको आयोजना गरेको छ ।
धनकुटा नगरपालिकामा निर्वाचित गठबन्धनको तर्फबाट वडाध्यक्ष र वडा सदस्यहरुलाई आसन्न कार्यपालिका सदस्यहरुका लागि हुन गइरहेकाे निर्वाचनको सम्वन्धमा नेपाली कांग्रेस धनकुटाका नगरसंयोजक तथा जिल्ला सचिव विजय सन्तोषी राईले सहजीकरण गर्नु भएको थियो ।
धनकुटा नगरपालिकाको निर्वाचित महिला सदस्यहरुबाट ५ जना र खुल्ला दलित तथा अत्पसंख्यबाट तिन जना गरी जम्मा ८ जना कार्यपालिका सदस्यहरुको लागी जेष्ठ दोस्रो साता निर्वाचन हुन गइरहेको छ ।
धनकुटा नगरपालिकाको हालै सम्पन्न निर्वाचनमा ५१ जना कार्यपालिका सदस्यहरु मध्ये गठबन्धनले २६ जना र नेकपा एमालेले २५ जना नगर परिषद सदस्य जितेको छ ।
धनकुटा नगरपालिकाको नगर परिषद सदस्य गठबन्धनको बहुमत रहेकाले कार्यपालिका सदस्यहरुको निर्वाचनमा गठबन्धनले विजय प्राप्त गर्ने र धनकुटा नगरपालिकाको कार्यपालिकामा गठबन्धनले स्पष्ट बहुमत ल्याउने नेपाली कांग्रेस धनकुटाका जिल्ला सचिव तथा नगर संयोजक विजय सन्तोषी राईले वताउनु भयो ।
कार्यक्रममा गठबन्धनबाट विजय प्राप्त गर्नु भएको धनकुटा नगरपालिका वडा नं. ५ का वडाध्यक्ष धन कुमार राई,वडा नं. ६ का अध्यक्ष मिलन कुमार खड्गी,वडा नं. ७ का वडाध्यक्ष रोशेष श्रेष्ठ,वडा नं. १० का वडाध्यक्ष नगेन्द्र पाण्डे लगायत निर्वाचित वडा सदस्यहरुको सहभागीता रहेको थियो ।
