धनकुटा । धनकुटा नगरपालिमा गठबन्धनको तर्फबाट पदवहाली गर्दै स्वास्थ्य बिमा,व्यक्तिगत घट्ना दर्ता वडाले गरिदिने र कर समायोजन गरी घटाउन पहल गर्ने लगायतका लोकप्रिय कार्यक्रमहरु घोषणा गरेका छन् ।
गठबन्धनको तर्फबाट धनकुटा नगरपालिकाको वडा नं. ५ मा विजयी हुनु भएका वडाध्यक्ष धन कुमार राई, वडा सदस्यहरु कृष्णमाया श्रेष्ठ, दुर्गा दर्जी, गोविन्द राई, टिका श्रेष्ठ, वडा नं. ६ का वडाध्यक्ष मिलन कुमार खड्गी, वडा सदस्यहरु कुसुम जोशी श्रेष्ठ, रेजिना हिङमाङ्ग, मन कुमारी राई र पुरुषोत्तम अर्याल लगायतले यस्तो जनताको पक्षमा निर्णय गर्दै घोषणा गर्नु भएको हो ।
यसैगरी धनकुटा नगरपालिका वडा नं. ७ मा वडाध्यक्ष रोशेष श्रेष्ठ, वडा सदस्यहरु ज्ञानु राई, आशा विक, केदारनाथ श्रेष्ठ, अविन्द्र राईले पनि
सपथ लिई पद वहाली गर्दै जन्म दर्ता, मृत्यु दर्ता, विवाह दर्ता र नागरिकता सिफारिस दस्तुर नि:शुल्क गरी वडाले व्यर्होने र दलित , अपाङ, अतिविपन्न, एकल महिला, अल्पसंख्यक, ज्येष्ठ नागरिकहरुको वडाले स्वास्थ्य बिमा गरिदिने र कर घटाउन पहल गर्ने घोषणा गरेका छन् ।
धनकुटा नगरपालिका धनकुटाको मुटु भएकोले धनकुटा नगरपालिकामानै जिल्ला अस्पताल लगायत वस पार्क, व्यापारिक केन्द्र लगायतका जनसरोकारका कार्यालयहरु र क्षेत्रहरु भएकाले धनकुटा अस्पताललाई स्तरउन्नती गरी गुणस्तरीय सेवा प्रदान गर्न पहल गर्ने वडाध्यक्ष रोशेष श्रेष्ठले वताउनु भयो ।
धनकुटा नगरपालिकाको तर्फबाट गठबन्धनले तिजेका वडा नं. ३ र वडा नं. १० मा जेष्ठ ९ गते सोमवार पद वहाली गर्ने भएको नेपाली कांग्रेस धनकुटाका सचिव तथा धनकुटा गर संयोजक विजय सन्तोषी राईले वताउनु भयो ।
लोकतान्त्रिक गठबन्धनको तर्फबाट विजय प्राप्त गरेका वडाहरुको पदवहाली कार्यक्रममा नेपाली कांग्रेस धनकुटाका सचिव तथा धनकुटा नगर संयोजक विजय सन्तोषी राई, सल्लाहकार विकास प्रधान, दिनेश अमात्य, धनकुटा नगर सभापति नरेश श्रेष्ठ, ज्येष्ठ नागरिक सभाका सदस्य भोलानाथ घिमिरे, पूर्वजिल्ला सदस्य दिनेश भण्डारी लगायतका नेताहरुको सहभागिता थियो ।