धनकुटा l गठबन्धनले विजय प्राप्त गरेको धनकुटा नगरपालिका वडा नं. ३ र १० मा वडाध्यक्ष लगायत सदस्यहरुले पद वहाली गर्दै स्वास्थ्य बिमा निशुल्क गर्ने लगायत व्यक्तिगत घट्ना दर्ता गर्दा जरिवाना नदिई निशुल्क गर्ने घोषणा गरेका छन् । भने सो अवसरमा गठबन्धनका जनप्रतिनिधिहरुलाई ज्यू नभनी साथी भनेर सम्बोधन गर्न गठन बन्धनका नेताहरुले जनता समक्ष अपिल समेत गरेका छन् ।
धनकुटा नगरपालिका वडा नं.३ मा गठबन्धनबाट विजय वडाध्यक्ष विकास घिमिरे,महिला सदस्य मञ्जु अधिकारी,दलित महिला सदस्य विष्णु रसाईली,खुल्ला सदस्यहरु शान्तिराम मिश्र र चक्र राईले वडा कार्यालयमा पद वहाली गर्दै धनकुटा वडा नं. ३ लाई पर्यटन हवको रुपमा विकास गर्ने र एकल महिला,अपाङ्ग,दलित ,अल्पसख्य र अतिविपन्नलाई निशुल्क स्वास्थ्य बिमा वडाले गरिदिने घोषणा गर्नु भएको छ ।
यसैगरी उहाँहरुले व्यक्तिगत घट्ना दर्ता गर्दा जरिवाना नलिने र नागरिक्ता सिफारिस निशुल्क गर्ने र यूवाहरुलाई स्वरोगार बनाउन विभिन्न कार्यक्रम संचालन गर्ने समेत घोषणा गर्नु भएको छ ।
यसैगरी गठबन्धनले जितेको धनकुटा नगरपालिकाको वडा नं. १० मा पनि वडाध्यक्ष नगेन्द्र पाण्डे, महिला सदस्य बिमला राई,दलित महिला सदस्य चन्द्र कुमारी विक,खुल्ला सदस्यहरु सुरेश श्रेष्ठ,राजेन्द्र राईले वडा कार्यालयमा पद वहाली गर्दै वडा कार्यालय भाडामा वसिरहेकाले वडा कार्यालय निर्माण गर्ने र एक घर एक स्वरोजगार बनाउन विभिन्न अभियान संचालन गर्ने घोषणा गर्नु भएको छ ।
उहाँहरुले पनि व्यक्तिगत घट्ना दर्ता अन्र्तगत विवाह,मृत्यु,जन्म दर्ता जरिवाना नदिई निशुल्क गर्ने नागरित्ता सिफारिस निशुल्क गर्ने र अति विपन्न अल्पसंख्य,अपांग,दलित,एकल महिलाको वडाले स्वास्थ्य बिमा गर्ने लगायतका लोकप्रिय निर्णय गरेका छन् ।
दुवै वडाका जनप्रतिनिधिहरुले हालको कर व्यवहारिक नभएको र बैज्ञानिक पनि नभएकोले कर समायोजन गरी कर घटाउन पलह गर्ने समेत निर्णय गरेका छन् ।
धनकुटा नगरपालिका वडा नं. ३ र १० को वडाध्यक्षहरु र सदस्यहरुको पद वहाली कार्यक्रममा आयोजित समारोहमा नेपाली कांग्रेस धनकुटाका सचिव तथा धनकुटा नगर संयोजक विजय सन्तोषी राईले गठबन्धनबाट विजय भएका जनप्रतिनिधिहरुले एक बर्ष भित्र जनताले थाहा पाउने र अनुभव गर्ने किसिमका काम गर्ने वताउँनुभयो ।
गठबन्धनले जितेका मेयरहरु मेयर साव होईन मेयर साथी र पालिका अध्यक्ष तथा वडाध्यक्षहरु र सदस्यहरु अध्यक्ष तथा सदस्य ज्यूहरु होईन अध्यक्ष जिहरु अर्थात अध्यक्ष साथी बन्नु पर्ने र उहाहरुलाई सम्बोधन गर्दा अरु पनि ज्यू नभनी साथी भनेर सम्बोधन गर्न सवैमा अपिल गर्नु भयो ।
उक्त कार्यक्रममहरुमा नेकपा माओवादी केन्द्रका भक्त मल्ल, जसपा धनकुटा नगर कार्य समितिका अध्यक्ष दिल कुमार राईले समेत बधाई ज्ञापन गर्दै जनताको शासक नभई साथी भएर काम गर्न आग्रह गर्नु भयो ।
धनकुटा नगरपालिका वडा नं. ३ को कार्यक्रममा वडा कार्यालयको तर्फबाट वडा सचिव कृष्ण भण्डारी, रमा ढुंगाना लगायतले समेत खादा माला लगाई दिई जनप्रतिनिधिहरुलाई स्वागत गर्नु भएको थियो । भने निवर्तमान कार्यवाहक वडाध्यक्ष मेख वहादुर राईलाई सम्मान गरिएको थियो ।
धनकुटा नगरपालिकाको १० वटा वडा मध्ये ५ वटा वडाहरुमा वडाध्यक्षहरु सहित सदस्य र वडा नं. १ मा एक महिला सदस्य गठबन्धनले जितेको नेपाली कांग्रेस धनकुटाका जिल्ला सचिव तथा नगर संयोजक विजय सन्तोषी राईले वताउनु भयो ।
