धनकुटा l नेपाली कांग्रेस धनकुटाले नेकपा एमालेका नेता तथा कार्यकर्ताहरुलाई चेतावनी दिदै कांग्रेसमाथिको आक्रमण नरोकिए कडा प्रतिकारमा उत्रिने प्रेस विज्ञप्ति प्रकाशित गरी जानकारी गराएको छ ।
नेपाली कांग्रेस धनकुटाका जिल्ला सचिव विजय सन्तोषी राईले प्रेस विज्ञप्ती जारी गर्दै धनकुटा जिल्लाको सहिदभूमी गाउपालिका वडा नं. ६ मा नेकपा एमालेका नेता तथा कार्यकर्ताबाट नेपाली कांग्रेसका साथीहरुमाथि श्रखलाबद्ध ढंगले आक्रमण भई रहेको घट्ना को तिव्र विरोध गर्दै आक्रमण नरोकिए प्रतिआक्रमणमा उत्रिने चेतावानी दिनु भएको हो ।
सहिदभूमी गाउँपालिकाका नेकपा एमालेको तर्फबाट निर्वाचित केहि जनप्रतिनिधिहरुको निर्देशनमा नेकपा एमालेका नेता तथा कार्यकर्ताहरुले नेपाली कांग्रेस सहिदभूमी वडा नं. ६ का डगेन्द्र राई, कुशल राई, निरवहादुर राई, रामप्रसाद राई, बत्तिमाया राई लगायतका साथीहरुलाई आक्रमण गरी घाईते बनाएको र दर्जनौ साथीहरुलाई धम्की दिने काम भैरहेको उक्त विज्ञप्तीमा उल्लेख गरिएको छ ।
नेपाली कांग्रेस धनकुटा जिल्ला सचिव विजय सन्तोषी राईले गैरजिम्मेवार अराजक किसिमको कार्य नेकपा एमालेबाट तत्काल नरोकिएमा हामी ईटाका जवाफ पत्थर दिदै सशक्त प्रतकिारमा उत्रिने समेत विज्ञप्तीमा उल्लेख गर्नु भएको छ ।
आक्रमण संलग्न नेकपा एमालेका नेता तथा कार्यकर्ताहरुलाई अभिलम्ब पक्राउ गरी कडा कारवाही गर्न आग्रह गर्दै यदी सो नगरिएमा यसबाट उत्पन्न सम्पूर्ण परिस्थितिको सम्पूर्ण जिम्मेवारी समेत प्रशासनले दिनु पर्ने कुरा उल्लेख गर्दै प्रशासनलाई समेत धनकुटा कांग्रेसले सचेत गराएको छ ।
नेपाली कांग्रेस धनकुटाका सचिव विजयसन्तोषी राईद्वारा हस्ताक्षर उक्त विज्ञप्तिमा सहिदभूमी गाउँपालिका वडा नं. ६ का सम्पूर्ण नेपाली कांग्रेसका साथीहरु र मतदाता ज्यूहरुको साथमा नेपाली कांग्रेस जतिबेला र जुनसुकै समयमा पनि साथमा निरन्तर रहने विश्वास दिलाउँदै नेकपा एमालेबाट यतिबेला विजयको दम्ब र घमण्डका कारण भइरहेको उत्श्रंखल तथा अराजक र गैरराजनैतिक गतिविधिबाट अलिकति पनि बिचलित नभई उच्च मनोवल र साहसका साथ कडा ढंगबाट उनीहरुको प्रतिरोधमा उत्रन आब्ह्रान गरिएको समेत भनिएकाे छ ।
