धनकुटा । कम्प्यूटर एशोसिएशन नेपाल महासंघ (क्यान महासंघ) धनकुटा जिल्ला शाखाको अध्यक्षमा पूनः विजयशेखर श्रेष्ठ निर्वाचित भएका छन् ।
नेपाल पत्रकार महासंघ धनकुटा शाखाको सभाहलमा सम्पन्न दोस्रो साधारण सभा तथा अधिवेशनले श्रेष्ठको नेतृत्वमा सात सदस्यीय नयाँ कार्य समिति चयन गरेको हो । श्रेष्ठ यसभन्दा अघि पनि क्यान महासंघ धनकुटाको अध्यक्ष थिए ।
समितिको उपाध्यक्षमा सुवास मगर, सचिवमा प्रकाश निरौला, कोषाध्यक्ष उमा दाहाल, सहसचिवमा शिशिर श्रेष्ठ, सदस्यहरुमा दिपक घिमिरे, अविनाश श्रेष्ठ चयन भए । त्यस्तै महाधिवेशन प्रतिनिधिमा मोहन प्रसाद श्रेष्ठ निर्वाचित भए ।
कार्यक्रममा क्यान महासंघका केन्द्रिय प्रतिनिधि तथा निर्वाचन समितिका संयोजक राजेश्वरवहादुर श्रेष्ठको प्रमुख आतिथ्यतामा सम्पन्न साधारण सभामा विशेष अतिथि धनकुटा उद्योग वाणिज्य संघ धनकुटाका अध्यक्ष विजयसन्तोषी राई थिए ।
