धनकुटा । साँगुरीगढी गाउँपालिका अध्यक्ष जितेन्द्र राईले आफ्नो कार्यकाल भरिमा हरेक नागरिकलाई व्यवसायिक उद्यमशील बनाउने प्रतिवद्धता व्यक्त गरेका छन् ।
साँगुरीगढी गाउँपालिका वडा नं. १ इङनाम चोकमा आयोजित व्यवसाय सचेतना तथा शुरु तालिम, लैङ्गिक समानता र सामाजिक समावेशीकरण तालिमलाई समापन कार्यक्रमलाई सम्वोधन गर्दै अध्यक्ष राईले सो कुरा बताएका हुन् ।
उनले आर्थिक उन्नतिबाट मात्र समृद्धिको रेखा कोर्न सकिने भएकोले सीप बिकासको माध्यमबाट साँगुरीगढीको हरेक नागिरकको स्वरोजगार बनाउन लागि रहेको बताए ।
पालिकाको आयोजनामा संचालन भएको तालिममा १ नं. वडाका १२ जना भन्दा वढी महिलाहरुको सहभागिता रहेको थियो । तालिम गत पुस ३ गतेदेखि सुरु भएर आज समापन भएको हो ।
