धनकुटा । धनकुटा नगरपालिका, नेपाली सेना , नेपाल प्रहरी र सशस्त्र प्रहरीको सहयोगमा धनकुटा उद्योग बाणिज्य संघले महोत्सव स्थल टुँडिखेलको सरसफाइ गरेको छ ।
धनकुटा टुँडिखेलमा ११ दिनसम्म प्रादेशिक औद्योगिक व्यापार मेला तथा कृषि प्रदर्शनी एभोकाडो एवं पाँचौ धनकुटा महोत्सव संचालनको भएकोले धनकुटा उद्योग बाणिज्य संघले धनकुटा नगरपालिका, नेपाली सेना, नेपाल प्रहरी र सशस्त्र प्रहरीको सहयोगमा धनकुटा टुडिखेलको व्यापक सरसफाई गरेको हो ।
धनकुटा नगरपालिकाको सहयोगमा नेपाली सेनाको धनकुटा स्थित भिम दल गण सल्लेरी व्यारेक,सशस्त्र प्रहरी बलको छिन्ताङ्ग देवी गुल्म धनकुटा,जिल्ला प्रहरी कार्यालय धनकुटाको सुरक्षाकर्मीहरु र महोत्सव आयोजक समितिका पदाधिकारी तथा सदस्यहरुको सहभागीतमा धनकुटा टुडिखेलको व्यापक सफसरफाई गरिएको धनकुटा उद्योग बाणिज्य संघका अध्यक्ष विजय सन्तोषी राईले वताए ।
सरफाई गर्न महत्वपूर्ण सहयोग गर्नु भएकोमा नेपाली सेनाको धनकुटास्थित भीम दल गण, सशस्त्र प्रहरी बलको छिन्ताङ्गदेवी गुल्म, जिल्ला प्रहरी कार्यालय धनकुटालाई धनकुटा उद्योग बाणिज्य संघका अध्यक्ष विजय सन्तोषी राई, उपाध्यक्ष निर्मला राई, सचिव श्रीराम रायमाझी, कोषाध्यक्ष रुपेश श्रेष्ठ, आयोजक समितिका सदस्य विष्णु माया कन्दङ्गवा, नेपाल पत्रकार महासंघ धनकुटाका सचिव हरिबहादुर लम्जेल, धनकुटा फुटवल संघका निर्वतमान अध्यक्ष गोविन्द राई, रामकृष्ण श्रेष्ठ स्मृति प्रतिष्ठान धनकुटाका अध्यक्ष इश्वर श्रेष्ठले प्रशंसा पत्र र मायाको चिनो प्रदान गरे ।
प्रादेशिक औद्योगिक व्यापार मेला तथा कृषि प्रदर्शनी एभोकाडो एवं पाँचौ धनकुटा महोत्सव माघ ६ देखि १६ गतेसम्म धनकुटा टुँडिखेलमा भव्य रुपमा सञ्चालन भएको थियो ।
