धनकुटा । तेह्रौ राष्ट्रपति रनिङ शिल्ड तथा पाँचौं साँगुरीगढी गाउँपालिका स्तरीय प्रतियोगिताको उपाधी डाँडाबजारको भानु माध्यमिक विद्यालयले हात पारेको छ । कुल ३० विधाका खेलमध्ये २० स्वर्ण र ८ रजत गरी सबैभन्दा बढी कुल २८ पदक जित्दै प्रतियोगिताको उपाधी हात पारेको हो ।
त्यस्तै आयोजक रामनवमी माविले २ स्वर्ण र ८ रजत गरि कुल १० पदक जित्दै प्रतियोगितामा दोस्रो भएको छ । जलकन्या माविले पनि प्रतियोगितामा २ स्वर्ण र ७ रजत गरी ९ पदक जित्दै तेस्रो स्थान हासिल सफल भयो । राम माविले २ स्वर्ण र ४ रजत गरी ६ पदक जित्दा ग्रामीण जनता माध्यमिक विद्यालयले २ स्वर्ण र १ रजत गरी ३ पदक जित्यो । त्यस्तै सीतादेवी माध्यमिक विद्यालयले पनि २ स्वर्ण पदक जित्न सफल भयो । फाक्सिव निमावि र भानुभक्त निमाविले एक÷एक पदक जिते । गोलखाडी मावि, लक्ष्मी मावि, सिंहदेवी निमावि र तान्छोपा इङ्लिस वोर्डिङ स्कुलले प्रतियोगितामा कुनै पदक जित्ने सकेनन् ।
भलिवल तर्फको खेलमा गाम्रीण जनता मविका छात्र÷छात्राको टिमले प्रथम स्थान हासिल गर्दै स्वर्ण जित्न सफल भयो । भानु माविका छात्र÷छात्राको टिम दोस्रो स्थान हासिल गर्दै रजत जित्यो । भलिवल तर्फ ग्रामीण जनता माविका दिनेश मगर छात्र तर्फ र सरु मगर छात्रा तर्फ उत्कृष्ट खेलाडी घोषित भए ।
त्यस्तै कवड्डी तर्फ भानु माविका छात्र÷छात्राको टिमले प्रथम हुँदै स्वर्ण जित्दा आयोजक राम नवमी माविका छात्र÷छात्राका टिम दोस्रो हुँदै रजत जित्न सफल भयो । त्यस्तै कवड्डी तर्फ भानु माविका छात्र तर्फ दिवान मगर र छात्रा तर्फ मन्दिरा पराजुली उत्कृष्ट खेलाडी घोषित भए । एथलेटिस् तर्फ भानु माविकै खेलाडीहरुको वचश्व रह्यो । यस विधाका अधिकांश खेलमा भानु माविकै खेलाडीले स्वर्ण तथा रजत जिते । एथलेटिस् तर्फ पाँच स्वर्ण जित्दै भानु माविका इशाक विश्वकर्मा छात्र तर्फ उत्कृष्ट खेलाडी हुँदा पाँच स्वर्ण जित्दै भानुकै युनिका मगर छात्रा तर्फ उत्कृष्ट खेलाडी भइन् ।
विजेता खेलाडीहरुलाई प्रमुख अतिथि गाउँपालिका अध्यक्ष जितेन्द्र राई, ५ नंं वडाका वडाध्यक्ष खड्ग लिम्बु, विभिन्न विद्यालयका प्रधानाध्यापक, शिक्षक तथा विद्यालय व्यवस्थापन समितिका अध्यक्षहरु लगायतले पुरस्कार प्रदान गरेका थिए ।
प्रतियोगिताका विभिन्न विधामा उत्कृष्ट भएका खेलाडीहरु गाउँपालिकाको तर्फबाट जिल्ला स्तरको राष्ट्रपति रनिङ शिल्ड प्रतियोगितामा सहभागी जनाउनेछन् । आयोजक रामनवमी मा.वि.का विद्यालय व्यवस्थापन समितिका अध्यक्ष बह्मध्वज लिम्बुको अध्यक्षतामा सम्पन्न समापन कार्यक्रमको संचालन विद्यालयका शिक्षक रिजन श्रेष्ठले गरेका थिए ।
