धनकुटा । सञ्चारकर्मी पूर्णकुमार चौधरीको निधनको १२ औं दिनको पुण्यतिथिमा श्रद्धाञ्जली अपर्ण गरिएको छ । नेपाल पत्रकार महासंघ धनकुटा शाखाले चौधरीको निधनमा आइतवार शोक सभाको आयोजना गरेको हो ।
पत्रकार महासंघ धनकुटा शाखाका सहसचिव समेत रहेका चौधरीको गत माघ १९ गते विपी कोइराला स्वास्थ्य विज्ञान प्रतिष्ठानमा उपचारको क्रममा निधन भएको थियो । शोक सभामा महासंघका उपाध्यक्ष विदुर खवासले स्वर्गीय चौधरीको संक्षिप्त जीवनी प्रस्तुति गरेका थिए । मृतक चौधरीको आत्माको चीर शान्तिको कामना गर्दै एक मिनेट मौन धारणा गरिएको थियो ।
कार्यक्रममा उपस्थित नेपाल पत्रकार महासंघ केन्द्रिय सदस्य सरिता बराइली राई, प्रदेश उपााध्यक्ष हिमा चेम्जोङ, संस्थापक अध्यक्ष तथा पूर्वअध्यक्ष सञ्जयसन्तोषी राई, पूर्वअध्यक्ष विजयसन्तोषी राई, निवर्तमान अध्यक्ष राजेश्वरबहादुर श्रेष्ठ, सल्लाहकार भेषराज कटेल, पूर्वकेन्द्रिय सदस्य गोपाल बराइली, फोनिज प्रदेश अध्यक्ष सन्तवीर लामा, रेडियो मकालुका अध्यक्ष सोविस चेम्जोङ, फोनिज धनकुटा अध्यक्ष विनु चेम्जोङ, नेपाल फोटो पत्रकार महासंघ धनकुटा अध्यक्ष कविराज घिमिरे, पत्रकार महासंघका उपाध्यक्ष देवकला कार्की, सहसचिव ईश्वर थापा, सदस्यहरु विकास घिमिरे, विश्वराज श्रेष्ठ, आकृति राई, विशाल लम्जेल, संगालोखबरकर्मी सन्तोष सुवेदी, रेडियो भेडेटारमा कार्यरत संचारकर्मीहरु सुनिता राई, विपिन दाहाल र मदन वुढाथोकी लगायतले स्वर्गीय चौधरीको फोटोमा माल्यार्पण गरि श्रद्धाञ्जली व्यक्त गरेका थिए ।
स्वर्गीय चौधरी धनकुटा सदरमुकामबाट संचालित रेडियो भेडेटारका स्टेशन म्यानेजरको रुपमा कार्यरत थिए । नेपाल पत्रकार महासंघ धनकुटा शाखाका अध्यक्ष नगेन्द्र राईको अध्यक्षतामा सम्पन्न शोक सभाको संचालन सचिव हरिबहादुर लम्जेलले गरेका थिए ।