धनकुटा । फोहोरमैला व्यवस्थापनका लागि कुहिने फोहोरबाट कम्पोट मल बनाउने तालिमको आयोजना गरिएको छ ।
पर्डेप नेपालको आयोजनामा धनकुटा नगरपालिका वडा नं. ७ का १४ जना स्थानीय वासिन्दालाई कुहिने फोहोरबाट कम्पोष्ट मल बनाउने तालिम प्रदान गरिएको हो । अहिले नगरभरिका वडाहरुमध्ये १, ५, ६ र ७ गरि ४ वटा वडाहरुमा धनकुटा नगरपालिका र युएनडिपीको आर्थिक साझेदारीमा नगरपालिका फोहोर मैला व्यवस्थापन कार्यक्रम संचालन भइरहेको छ । सोही कार्यक्रम अन्तर्गत ७ नं. वडामा फोहोरबाट कम्पोष्ट मल बनाउने तालिम संचालन गरिएको कार्यक्रम संयोजक खिन्द्र अधिकारीले बताए ।
तालिममा धनकुटाको फोहोर मैलाको स्थिति, कुहिने र नहुने फोहोरहरुको आइरहेका स्थिति, फोहोरमैला व्यवस्थापनका लागि कुहिने फोहोरबाट कम्पोष्ट÷अर्गानिक मल बनाउनुको फाइदा, तरिका र विधि वारे सहजीकरण गरिएको थियो । कार्यक्रममा धनकुटा नगरपालिका वातावरण अधिकृत उपेन्द्र खनाल कृषि शाखा प्रमुख भक्तमान राई लगायतले सहजीकरण गरेका थिए ।
उक्त तालिम ४ वडा मध्ये ५, ६ र ७ गरि तीन वटा वडामा सम्पन्न भइसकेका छन् । जसमा ३८ जना सहभागी थिए । त्यस्तै वडा नं. १ मा तालिम हुन वाँकी छ । कार्यक्रममा सहभागीहरुलाई एक÷एक थान कम्पोष्ट विन प्रदान गरिएको छ । वितरण गरिएको कम्पोष्ट विनमा कुहिने फोहोरलाई व्यवस्थापन गरि कम्पोष्ट मल बनाउने विधि वारे प्रयोगात्मक अभ्यास समेत गराइएको छ । सहभागीहरुलाई कम्पोष्ट विन ७ नं. वडाका वडाध्यक्ष रोशेष श्रेष्ठले वितरण गरेका थिए ।