धनकुटा । जिल्ला प्रहरी कार्यालय धनकुटाले ४ सय किलो अवैध लागुऔषध गाँजा जलाएर नष्ट गरेको छ । आइतबार जनप्रतिनिधी, स्थानीय र संचारकर्मीहरुकोे रोहवरमा प्रहरीले गाँजा जलाएर नष्ट गरेको हो ।
गत माघ २८ गते रातको समयमा ईलाका प्रहरी कार्यालय छिन्ताङबाट खटिएको प्रहरीको टोलीले गस्ती गर्दै जाने क्रममा गाँजा फेला पारेको थियो । चेकजाँच गर्ने क्रममा सहिदभूमि गाँउपालिका वडा नं. ४ मा छिन्ताङबाट हिलेतर्फ जादै गरेको को १ ज ३११८ नम्बरको पिक अप गाडी रोक्न खोज्दा नरोकी गाडीको बत्ती समेत बन्द गरी भागे पश्चात उक्त गाडीलाई खानतलासी गर्ने क्रममा गाडीको पछाडी डाला भित्र १५ वटा प्लाष्टिकको बोरा भित्र जम्मा ४ सय ९ किलो गाँजा फेला पारेको थियो ।
जिल्ला प्रहरी कार्यालय धनकुटाका इन्स्पेक्टर मानबहादुर श्रेष्ठका अनुसार घटनास्थलबाट फरार गाडीका चालकलाई खोजतलास गर्दै इटहरी नगरपालिका वडा नं. २ मा लुकिछिपी वसिरहेको अवस्थामा फेला पारेको थियो ।