साँगुरीगढी गाउँपालिका वडा नं. ५ स्थित डाँडाबजारमा जंगबहादुर थापा स्मृति दोस्रो डाँडाबजार गोल्डकप फुटवल प्रतियोगिता सुरु भएको छ । डाँडाबजार फुटवल क्लवको आयोजनामा प्रतियोगिता सुरु भएको हो ।
उद्घाटन कार्यक्रमका प्रमुख अतिथि साँगुरीगढी गाउँपालिका अध्यक्ष जितेन्द्र राई र स्वर्गीय जंगवहादुर थापाकी धर्मपत्नी हस्तमाया थापाले संयुक्त रुपमा रेफ्री मिलन थेगिमलाई फुटवल हस्तान्तरण गरे प्रतियोगिता उद्घाटन गरेका थिए ।
कार्यक्रममा वोल्दै प्रमुख अतिथि गाउँपालिका अध्यक्ष जितेन्द्र राईले राष्ट्रिय खेलाडी उत्पादन गर्ने लक्ष्य लिएर गाउँपालिकाले खेलक्षेत्रलाई विशेक्ष प्राथमिकताका साथ अगाडि बढाएको बताए । उनले फुटवल खेलबाट राष्ट्रिय खेलाडी उत्पादन गर्न स्थानीय यूवाहरु तथा पालिका भित्र हुने प्रतियोगितामा गाउँपालिकाले सहयोग गरिरहेको बताए । जंगबहादुर थापा स्मृति दोस्रो डाँडाबजार गोल्डकप पालिकाको मात्रै नभएर जिल्लाकै उत्कृष्ट मध्येको एक प्रतियोगिता भएको उनको भनाई छ । प्रतियोगितालाई भव्य रुपमा सम्पन्न गराउन गाउँपालिका र वडाले गरेको आर्थिक सहयोगमा आगामी दिनमा थप वृद्धि गर्ने प्रतिवद्धता समेत व्यक्त गरे । त्यस्तै साँगुरीगढी गाउँपालिका वडा नं. ५ का वडाध्यक्ष खड्ग लिम्बुले डाँडाबजार गोल्डकपले खेलकुदको माध्यमबाट यस क्षेत्रलाई चिनाउन सहयोग पु¥याएको बताए ।
प्रतियोगिताको पहिलो दिन दुई वटा खेल सम्पन्न भए । उद्घाटन खेलमा साँगुरीगढी–११ फुटवल क्लवलाई २–१ गोलअन्तरले पराजित गर्दै रारा फुटवल क्लव, राजारानी सेमिफाइनलमा प्रवेश गरेको छ । राराको जितमा विरेन चेम्जोङले २ गोल गरे । साँगुरीगढीको लागि सान्त्वना गोल सलिन राईले गरेका थिए । राराको जीतमा दुई गोल गर्ने विरेन खेलको म्यान अफ द म्याच घोषित भए । उनलाई ५ नं.वडाका वडाध्यक्ष खड्ग लिम्बुलाई नगद दुई हजार रुपैया प्रदान गरे ।
त्यस्तै दोस्रो खेलमा धरान सिटी फुटवल क्लवले कुसुमे साइनिङ क्लव केरावारी मोरङलाई शुन्यका विरुद्ध दुई गोलअन्तरले पराजित गर्यो । धरान सिटीको जितमा निमा शेर्पा र विवेक राईले एक÷एक गोल गरे । उक्त खेलको म्यान अफ म्यान धरान सिटीका सुरज विके घोषित भए । उनलाई सप्तकोशी विकास वैंक डाँडाबजार शाखाका म्यानेजर रकेट राईले नगद दुई हजार प्रदान गरे ।
प्रतियोगितामा आयोजक डाँडाबजार फुटवल क्लव सहित कोशी प्रदेशका विभिन्न ८ टिमको सहभागिता रहेको छ । प्रतियोगिताको विजेताले १ लाख ५० हजार र ट्रफी र उपविजेता टिमलाई नगद ७५ हजार र ट्रफी प्राप्त गर्नेछन् । त्यस्तै विधागत रुपमा उत्कष्ृट हुने खेलाडीलाई समेत पुरस्कारको व्यवस्था गरिएको आयोजक डाँडा बजार फुटवल क्लवका अध्यक्ष राजकुमार लिम्बुले बताए ।
अघिल्लो वर्ष गोल्डकपको प्रथम संस्करण भएको थियो । उक्त संस्करणको विजेता आयोजक डाँडाबजार फुटवल क्लव नै भएको थियो ।
डाँडाबजार फुटवल क्लवको आयोजनामा संचालित प्रतियोगिताको मुख्य प्रायोजक दिलिप थापा हुन् । त्यस्तै ५ नं. वडा कार्यालय, साँगुरीगढी गाउँपालिका, गोर्खा व्रुअरी र वदरहुडले पनि सहयोग गरेको छ । प्रतियोगिताको फाइनल खेल आगामी २७ गते हुँदैछ । फाइनल खेलको दिन चर्चित गायिका इन्दिरा जोशीको समेत साँगितिक प्रस्तुति हुने बताइएको छ ।