धनकुटा । साँगुरीगढी गाउँपालिका वडा नं. ४ स्थित जाल्पादेवी वहुउद्देश्यीय सहकारी संस्थाले गाउँपालिकाको सहयोगमा किसानलाई कृषि सामाग्री तथा विउँविजन प्रदान गरेको छ । गाउँपालिकाको ८० प्रतिशत तथा सहकारीको २० प्रतिशत लागत साझेदारीमा उक्त सहकारीमा आवद्ध ७२ जना सदस्य किसानलाई कृषि सामाग्री तथा विउँविजन प्रदान गरिएको हो ।
वुधवार आयोजित एक कार्यक्रमका वीच प्रमुख अतिथि साँगुरीगढी गाउँपालिका अध्यक्ष जितेन्द्र राईले किसानहरुलाई उक्त सामाग्रीहरु वितरण गरेका थिए । कार्यक्रममा वोल्दै गाउँपालिका अध्यक्ष राईले किसानलाई उद्यमशील र व्यवसायिक बनाएर कृषिमा आत्मनिर्भर बनाउने अनुरुप गाउँपालिका अघि वढेको बताए । उनले बजारमा भएका विचौलियालाई निरुत्साहित गरि समयमै किसानलाई आवश्यक विउँविजन, मल र प्राविधिक ज्ञान उपलब्ध गराइरहेको बताए । किसानले उत्पादन गरेको कृषिजन्य वस्तुको बजार ग्यारेन्टी गर्न अहिले पालिका भरिका सबै वडामा साप्ताहिक हाँटबजार संचालन भइरहेको समेत उनले बताए ।
किसानलाई कृषि सामाग्री अन्र्तगत टनेल घर निर्माणका लागि प्लाष्टिक, प्लाष्टिक मर्चिङ, इलेक्ट्रिक श्प्रेस र विउँ विजन अन्र्त काउली, लाम्चे खोर्सानी र गोलभेंडाको विउ प्रदान गरिएको जाल्पादेवी बहुउदेश्यीय सहकारी संस्थाका अध्यक्ष खड्ग लिम्बुले बताए ।
कार्यक्रममा ४ नं वडाका वडाध्यक्ष जीवन लिम्बु, ६ नं. वडाका वडाध्यक्ष यमप्रकाश मगर लगायतको उपस्थिति रहेको थियो ।