धनकुटा । संगठन विस्तार र सुदृढीकरणका लागी नेपाली कांग्रेस धनकुटाले जिल्लाका ६० वटै वडाहरुमा शनिवार वडा सम्मेलनको आयोजना गरेकाे छ ।
नेपाली कांग्रेस धनकुटा नगरपालिका वडा नं. ५ को वडा सम्मेलनमा प्रमुख अथितिको रुपमा सम्बोधन गर्दै जिल्ला सचिव विजय सन्तोषी राईले नेपाली कांग्रेस धनकुटाले ६० वटै वडामा आयोजना गरेको वडा सम्मेलनले कांग्रेसमा नयाँ उत्साह र उर्जा थपिएको वताए । नेपाली कांग्रेस धनकुटा वडा नं. ४ का वडाध्यक्ष धन कुमार राईको अध्यक्षमा सम्पन्न भएको वडा सम्मेलनमा जिल्ला सहसचिव रोशन श्रेष्ठ, महासमिति सदस्य सिता श्रेष्ठ, जिल्ला सदस्यहरु रविन्द्र नेपाली, अम्विका परियार, रत्न दर्लामी, नगर उपसभापति अभिषेक कर्माचार्य, नेपाली कांग्रेसका नेताहरु रमेश आमात्य, ज्योती प्रधान, रेणुका कार्की, दोयम प्रधान, दिनेश भण्डारी, नेपाल शिक्षक संघ धनकुटा नगरका पूर्वअध्यक्ष रामवहादुर श्रेष्ठ, निर्वाचित वडा सदस्यहरु टिका श्रेष्ठ, दुर्गा शिवा लगायतले नेपाली कांग्रेस धनकुटाले संगठन विस्तार र सुदृढीकरण गर्न विशेष अभियान संचालन गर्नु पर्ने वताए । नेपाली कांग्रेस धनकुटा नगरपालिका वडा नं. ५ का उपसभापति गोविन्द्र राईले स्वागत मन्तव्य र संचालन अर्का उपसभापति शम्भु प्रधानले गरेका थिए ।
यसैगरी धनकुटा नगरपालिका वडा नं. ७ को नेपाली कांग्रेसका वडा सभापति शैलेसमान श्रेष्ठको सभापतित्वमा भएको वडा सम्मेलनमा उपसभापति सुनिल कुमार डंगोल, सचिव विजय सन्तोषी राई, जिल्ला सदस्य तथा वडाध्यक्ष रोशेष श्रेष्ठ, वुद्धिकान्त घिमिरे, क्षेत्रीय प्रतिनिधिहरु रमेश श्रेष्ठ, हरिवहादुर लम्जेल, सावित्रि श्रेष्ठ, शैलेस श्रेष्ठ, वडा उपसभापति रोशनराज अमात्य, वडा समिति सचिव उर्गेन शाक्य, नेपाल महिला संघ नगर अध्यक्ष राधा बजगाई, मोहन घिमिरे लगायतले अव कांग्रेसको संगठन विस्तार गर्दै कांग्रेसकै नेतृत्वमा विकास निर्माण गर्नु पर्नेमा जोड दिए ।
धनकुटा नगरपालिका वडा नं. ४ मा जिल्ला सभापति दिनेश राईको प्रमुख आतिथ्यतामा वडा सम्मेलन भएको थियो ।
त्यस्तै पाख्रिवास नगरपालिका वडा नं. १ मा जेष्ठ कांग्रेसलाई सम्मान गर्दै वडा सम्मेलनको आयोजना गरिएको जिल्ला सदस्य अम्विका धमलाले बताइन् ।
धनकुटा नगरपालिका वडा नं. ३ मा वडा सभापति पदम भण्डारीको सभापतित्वमा वडा सम्मेलन भएको जिल्ला सदस्य मीनबहादुर कार्कीले बताए ।
धनकुटा नगरपालिका वडा नं. १ मा जिल्ला कोषाध्यक्ष सरस्वती मगरको प्रमुख आतिथ्यतामा वडा सम्मेलन सम्पन्न भएको नेपाली कांग्रेस धनकुटा नगर उपसभापति अमित लो तामाङ्ले वताए ।
यसैगरी धनकुटा नगरपालिका वडा नं. ६ मा वडा सभापति रुपेश श्रेष्ठको सभापतित्वमा वडा सम्मेलन भएको नेपाली कांग्रेस प्रदेश सभा क धनकुटा कार्यसमितिका उपसभापति मिलनकुमार खड्गीले बताए । सो अवसरमा कोशी प्रदेश सदस्य नविन किशोर शाक्य र नगर सभापति नरेश श्रेष्ठको उपस्थिति रहेको थियो ।
धनकुटा जिल्लाकाका अधिकांश वडाहरुमा नेपाली कांग्रेसका वडा सम्मेलनहरु सम्पन्न भएको जिल्ला सचिव जयन्द्र घिसिङ्गले वताए । विशेष कारणले हुन नसकेका केहि वडाहरुमा एक साता भित्र वडा सम्मेलन हुने जिल्ला सचिव विजय सन्तोषी राईले वताए ।
