धनकुटा । नयाँ बर्ष २०८० सालको अवसरमा नेपाली कांग्रेस धनकुटा काठमाण्डौ सम्पर्क समितिले काठमाण्डौंमा शुभ कामना आदान प्रदान र सम्मान कार्यक्रमको आयोजना गरेको छ ।
नेपाली कांग्रेसका केन्द्रिय सदस्य कुन्दनराज काफ्लेले अव नेपाली कांग्रेस नयाँ ढंगबाट संगठन विस्तार र सुदृढीकरण गर्ने वताए । उनले नेपाली कांग्रेसले अव रुपान्तरण र पुस्तान्तरणको बाटोलाई आत्मासाथ गर्नु पर्ने वताए ।
नेपाली काग्रेस धनकुटा काठमाडाैं सम्पर्क समितिद्वारा आयोजित उक्त कार्यक्रममा नेपाली कांग्रेस धनकुटाका पूर्वसभापतिहरु मनोहर नारायण श्रेष्ठ, अग्नी पौडेल, हरि अधिकारी, जिल्ला उपसभापति निर्मल ओझा, सचिव विजय सन्तोषी राई, महासमिति सदस्य उदयवहादुर लिम्बु, जिल्ला सदस्य अम्विका धमला, राम जि कोङरेन, नेपाली शिक्षक संघ कोशी प्रदेशका उपाध्यक्ष रामकुमारी भण्डारी, धनकुटा सचिव रोहिणी पाण्डे, छथरजोरपाटी गाउपालिकाका अध्यक्ष छत्र सुब्बा, यूवा नेताहरु तिर्थ राई, मदन घिमिरे, धनकुटा काठमाडाैं समाजका अध्यक्ष प्रेमवहादुर वस्नेत लगायतले २०८० सालको शुभकामना व्यक्त गर्दै धनकुटा कांग्रेसलाई बलियो बनाउन सवै एकजुट भएर लाग्नु पर्नेमा जोड दिए ।
नेपाली कांग्रेस धनकुटा सम्पर्क समितिका सभापति भीमवहादुर थापाको अध्यक्षतामा सम्पन्न कार्यक्रममा स्वागत मन्तव्य सचिव तिर्थ अधिकारी र संचालन अर्का सचिव चन्द्र कार्कीले गरेका थिए ।
सो अवसरमा नेपाली कांग्रेस धनकुटा काठमाडाैं सम्पर्क समितिको तर्फबाट नेपाल शिक्षक संघको भरखर सम्पन्न अधिवेशनबाट धनकुटाकी शिक्षिका रामकुमारी भण्डारी अत्यधिक मत प्राप्त गरी प्रदेश उपाध्यक्षमा निर्वाचित भएकोमा नेपाली कांग्रेसका केन्द्रिय सदस्य कुन्दन राज काफ्ले र सम्पर्क समितिका सभापति भीमबहादुर थापाले बधाई ज्ञापनका साथ दोसल्ला ओढाएर अभिनन्दन गर्दै सम्मान गरेका थिए ।