धनकुटा । धनकुटा नगरमा नेपाली कांग्रेस नयाँ गतिका साथ अझ क्रियाशील हुनका लागी नया योजनाहरु निर्माण गरी विभिन्न निर्णय गर्दै नेपाली कांग्रेस धनकुटाको नगर सम्मेलन सम्पन्न भयो ।
नेपाली कांग्रेस धनकुटाका जिल्ला सभापति दिनेश राईले नेपाली कांग्रेस धनकुटा नगर सम्मेलनको उद्घाटन गर्दै नेपाली कांग्रेसलाई कसैले पनि हराउन नसक्ने वरु नेपाली कांग्रेसलेनै हराउने वताउदै अव पार्टीमा पूर्ण एकता कायम गरी नया ढंगबाट पाटीलाई कसैले पनि हराउन नसक्ने वनाउनु पर्नेमा जोड दिए ।
संविधान सभाका सदस्य तथा नेपाली कांग्रेसका पूर्वआमन्त्रित केन्द्रिय सदस्य मनोहर नारायण श्रेष्ठले पार्टी संगठन बलियो बनाउन टोल समितिहरुलाई परिचालन गरी कार्यकर्ताहरुको भावना अनुसार पार्टी संचालन गर्नु पर्नेमा जोड दिए ।
नेपाली काग्रेस धनकुटा नगर कार्य समितिका सभापति नरेश श्रेष्ठको अध्यक्षमा सम्पन्न भएको नगर सम्मेलनमा संविधान सभा सदस्य लिला सुब्बा, जिल्ला उपसभापति सुनिल डंगोल,जिल्ला सचिव विजय सन्तोषी राई,सहसचिव रोशनलाल श्रेष्ठ,क्षेत्रीय अध्यक्षहरु क्षेत्र नं. १ जितेन्द्र राई,क्षेत्र नंं २ राजन पौडेलले नेपाली काग्रेसलाई रुपान्तरण गरी नया ढंगबाट संगठन क्रियाशिल र विस्तार गर्नु पर्ने वताउनु भयो ।
कार्यक्रममा स्वागत मन्तव्य नेपाली कांग्रेस धनकुटाका नगर उपसभापति अभिषेक कर्माचार्यले र कार्यक्रमको संचालन अर्का नगर उपसभापति अमित लो तामाङ्ले गरेका थिए ।
नेपाली कांग्रेस धनकुटा नगर कार्य समितिका सभापति नरेश श्रेष्ठले प्रस्तुत गर्नु भएको राजनैतिक,आर्थिक,सागठानिक, भावी कार्यक्रम सम्वन्धि प्रतिवेदनमा व्यापक छलफल गरी धनकुटा नगर भरी व्यापक ढंगले संगठन विस्तार सुदृढीकरण गर्न नया योजनाहरु पास गर्दै कांग्रेसलाई अव नया गतिका साथ अगाडी बढाउदै पार्टीलाई बलियो र सशक्त बनाउने धनकुटा नगर सम्मेलनले निर्णय गरेको धनकुटा नगर संयोजक तथा जिल्ला सचिव विजय सन्तोषी राईले वताए ।
