धनकुटा । पाख्रिवास नगरपालिकाको विकास र समृद्धिका लागि नगरप्रमुख ज्ञानबहादुर गुरुङ क्रियाशील हुँदै विभिन्न विकासका योजनाहरुको माग गर्दै कोशी प्रदेशको मुख्यमन्त्री तथा मुख्य सचिवसँग टोलीको नेतृत्व गर्दै विराटनगरमा माग पत्र बुझाएका छन् ।
नगरप्रमुख गुरुङ नेतृत्वमा निवर्तमान प्रदेश सांसद कुसुम कुमारी श्रेठ, नेपाली कांग्रेसका जिल्ला सचिव तथा धनकुटा उद्योग बाणिज्य संघका अध्यक्ष विजय सन्तोषी राई, कांग्रेसका धनकुटाका सचिव जयन्द्र घिसिङ, नेपाली कांग्रेस पाख्रिवास नगरका सभापति प्रेम भण्डारी लगायतका टोलीले कोशी प्रदेशका उद्योग, कृषि तथा सहकारी मन्त्री भक्ति सिटौला, पर्यटन वन तथा वातारण मन्त्री जीवन आर्चाय, भौतिक पूर्वाधार मन्त्री दुर्गा चापागाई, खानेपानी मन्त्री तिलकुमार म्याङबो लिम्बु र प्रदेश मुख्य सचिव दिपक काफ्लेसंग भेटघाट गरी धनकुटाको र पाख्रिवास नगरको विकास र समृद्धीको लागी माग पत्र बुझाउनु भएको छ ।
टोलीले कोशी प्रदेशका मन्त्रिहरु र प्रदेशका मुख्य सचिव काफ्लेसँग धनकुटा अस्पताललाई स्तरउन्नती गर्न जग्गा उपलब्ध गराउने प्रक्रिया चाँडो बढाउन, निजामती विद्यालयलाई नुमनाको रुपमा संचालन गर्न उद्योग व्यावसायी प्रर्वद्धन गर्न लगायत पाख्रिवास र धनकुटाको विभिन्न योजनाहरुको लागी बजेट बिनियोजित गरी दिन आग्रह गर्दै अनुरोध पत्र बुझाएको धनकुटा उद्योग बाणिज्य संघका अध्यक्ष विजय सन्तोषी राईले वताए ।
धनकुटाको पाख्रिवासको सडक, खानेपानी, पर्यटन लगायत भौतिक पूर्वाधारको निर्माण गर्न मागहरु मन्त्री र मुख्य सचिवसँग पेश गरिएको पाख्रिवासका नगरप्रमुख ज्ञानबहादुर गुरुङले बताए ।