धनकुटा । राजारानीमा जारी अग्नी बसुन्धरा स्मृति १० औं गोर्खा रारा गोल्डकप फुटवल प्रतियोगिता अन्तर्गत आज फाइनल प्रवेशका लागि डाँडाबजार फुटवल क्लव धनकुटा र तालतलैया एकेडेमी सुनसरीवीच प्रतिस्पर्धा हुँदैछ ।
यी दुई टोली क्वाटरफाइनलमा आआफ्नो खेल जित्दै सेमिफाइनलमा प्रवेश गरेका हुन् । दुवै टिम जितको खोजीमा हुनेछन् । उपाधिको दावेदार मानिएकाे झापाको विर्तामोड युनाइटेड फुटवल क्लवलाई शुन्यका विरुद्ध दुई गोलअन्तरले पराजित गदैं डाँडाबजार फुटवल क्लव सेमिफाइनल पुगेको टिम हो । सेमिफाइनलकाे खेल जित्दै डाँडाबजार उपाधीको दावेदार प्रस्तुत गर्न चाहन्छ ।
त्यस्तै रारा गोल्डकपकाे उद्घाटन खेलमा मोरङको डाँगीहाट यूथ क्लबलाई शुन्यका विरुद्ध एक गोलअन्तरले पराजित गर्दै सुनसरीको तालतलैया एकेडेमी सेमिफाइनल पुगेको हो । तालतलैया पनि जितको खोजिमा छ । आजको खेल जित्दै उपाधी रक्षा गर्न चाहन्छ ।
राजारानीमा लाग्ने ऐतिहासिक चण्डी पूर्णिमा मेलाको अवसर पारेर आयोजक भएको १० औं गोर्खा रारा गोल्डकपको विजेताले नगद तीन लाख रुपैया सहित रारा गोल्डकपको ट्रफी र उपविजेताले एक लाख ५० हजार रुपैया प्रदान गरिने आयोजक रारा क्लवका अध्यक्ष मणी चेम्जोङले बताए ।
त्यस्तै विभिन्न विधाहरूमा उत्कृष्ट हुने खेलाडीहरूलाई जनही नगद १० हजार रुपैयाँ ट्रफी र प्रतियोगिताको सर्वोत्कृष्ट खेलाडीलाई नगद २० हजार रुपैयाँ र ट्रफी प्रदान गरिनेछ।
