धनकुटा । जिल्ला अस्पताल धनकुटामा आगामी असोज पहिलो साता वृहत नि:शुल्क शल्यक्रिया स्वास्थ्य शिविर हुने भएको छ । अलोह हवाइ मेडिकल मिसनले गरिव, असाहय र पहुँच विहिनहरुका लागि संचालन गर्दैै आएको वृहत निःशुल्क शल्यक्रिया स्वास्थ्य शिविरका लागि शुक्रवार परिचयात्मक छलफल कार्यक्रम गरि शिविर वारे जानकारी दिएको हो ।
अलोहा मेडिकल मिसनले २०२३ का लागि आगामी असोजको २ गतेदेखि १२ गते सम्म वृहत निःशुल्क शल्यक्रिया स्वास्थ्य शिविर सञ्चालन गर्ने सन्र्दभमा विभिन्न सरोकारवला निकायहरुसँग छलफल गरिएको अलोहा मेडिकल मिसन अमेरीकाका संयोजक रोषेश श्रेष्ठले जानकारी दिए ।
विगतका बर्षहरुमा धनकुटामा गरिव, असायह र पहुँच विहिनहरुका लागि संचालन भएको वृहत निःशुल्क शल्यक्रिया स्वास्थ्य शिविरमा अलोहा मेडिकल मिसन अमेरिकाका बिशेषज्ञ स्वास्थ्यकर्मीहरुको टोलीले शल्याक्रिया गर्ने र थुप्रै सेवाग्राहीले त्यसको लाभ लिएको हुदा पुनः शिविर सञ्चालन गर्न लागिएको संयोजक श्रेष्ठले बताए ।
शिविर व्यवस्थापन तथा संचान समितिका संयोजक रोशेष श्रेष्ठको अध्यक्षतामा सम्पन्न भएको छलफल कार्यक्रममा धनकुटा नगरपालिकाका प्रमुख चिन्तन तामाङ,संविधान सभा सदस्य मनोहर नारायण श्रेष्ठ,प्रमुख जिल्ला अधिकारी थानेश्वर गौतम,जिल्ला स्थित विभिन्न राजनितिक दलका प्रमुखहरु, सुरक्षा निकायका प्रमुख तथा स्थानीय सरोकारवाला संघसस्थाका प्रतिनिधिहरुको उपस्थिती रहेको थियो । वृहत निःशुल्क शल्यक्रिया स्वास्थ्य शिविरमा विशेषज्ञ अमेरिकन डाक्टरहरुद्धारा पितको पत्थरी, पाठेघर, हर्निया, हाईडोसिल, पायल्स, गाठागुठीको शल्यक्रिया, दातको उपचार, कृतिम हात वितरण लगायतका सेवा प्रदान गर्दै आएको समेत संयोजक श्रेष्ठले जानकारी दिए ।
