धनकुटा । साँगुरीगढी गाउँपालिका वडा नं १ लेउतीमा सिंहदेवी सिंहशिला, साकेला केलाङ पार्कमा एक दिने साँस्कृतिक महोत्सवको आयोजना गरिएको छ । शुक्रबार साकेला, केलाङ, उभौली पुजाको अवसरका महोत्सवको आयोजना गरिएको हो ।
महोत्सव गाउँपालिकका अध्यक्ष जितेन्द्र राईले रिबन काटेर उद्घाटन गरेका थिए । उद्घाटन कार्यक्रममा वोल्दै अध्यक्ष राईले किराँतीहरुको बहुसाँस्कृतिक स्थलको प्रर्दशन साथै निर्माणका कारण पर्यटनहरु आकर्षित हुने बताए । उनले पर्यटकहरुको आगमनले आर्थिक वृद्धि साथै कला साँस्कृतिक टेवा पुग्ने बताए । यस्ता पार्कहरुबाट पर्यटकहरुलाई आकर्षित गर्ने उद्देश्यले निर्माण गरिएकाले गाउँपालिकाले सहयोग गर्ने प्रतिवद्धता व्यक्त
गरे । लेउती जलाधार प्रकृतिक–साँस्कृतिक प्रवद्र्धन समिति साँगुरीगढी लावरवोटेले आयोजना गरेको महोत्सवमा किराँतीहरुको विभिन्न साँस्कृतिक झाँकी प्रदर्शन गरिएको थियो । कार्यक्रममा कलासाँस्कृति झल्काउने साकेला नाच रै ढोल नाच लगायत प्रस्तुत गरिएको थियो ।
आआफ्नो कला साँस्कृतिलाई जोगाई राख्न साथै पर्यटनहरुलाई आकर्षित गर्न पार्क निर्माण गरिएको र साकेला, केलाङ उभौली साँस्कृतिक महोत्सव-२०८० को आयोजना गरिको लेउती जलाधार प्राकृतिक–साँस्कृतिक प्रवद्र्धन समितिका अध्यक्ष बलबहादुर राईले बताए ।